Kim's Spoon (海港中心) (Closed)

今日天氣好好😆，所以同女朋友出咗去周圍影下相，行下行下行到去灣仔海旁睇埋日落， 順便嚟到呢間韓式餐廳食晚飯😊石鍋拌飯喜歡佢都幾多蔬菜食，有紅蘿蔔，白蘿蔔，芽菜，菜苗，另外有一隻半生熟嘅蛋，連埋啲牛肉撈埋一齊食都幾惹味，另外佢亦都提供一包辣醬，覺得唔夠味嘅可以加啲落去🤗荔枝梳打都幾有荔枝香味同冇咩藥水嘅味道， 覺得天時暑熱飲都幾啱啱好解暑🤤西柚乳酸特飲味道酸酸甜甜的，飲落都幾開胃😊總結，覺得價錢都唔算太貴，佢嗰邊比較少人靜靜地傾下計都唔錯😇佢哋嘅嘢飲都幾大杯，或者下次嗌一杯都夠啦