士林棧 (Closed)

好久沒有去台灣了，有點懷念台灣的種種，小食，人情味等。今天特意搵左呢間台灣既面店，食下台灣既味道，係安排旅行之前先解解思念。牛家三兄弟陽春面($49)湯底有濃濃既牛肉味，相信湯底煲左好耐，第一啖似落去已經試到牛既精華。牛家三兄弟(牛展/牛筋/牛脷)食落肉質十分軟淋，食落已充滿左好濃既牛味，加上粗幼剛剛好既陽春面就相得益彰。另外再配上了少少酸菜，食到最後都唔會覺得油膩既感覺。肉燥/韭菜餃陽春面($38)去到台灣當然會去食肉燥飯，真係好懷念果種味道，呢到既肉燥完全係台灣既風味，味道濃而不膩，配合了牛展汁，濃味更加能發揮出黎。而且兩送只需38價格十分相宜。肉燥茄子($26)肉燥加上茄子，肉燥肉質十分軟熟，油而不膩，加上茄子十分吸味，出黎既效果就更加好。桂圓紅棗茶(跟面價$9)整體不錯不會太甜，入口十分順喉，冬天岩飲之選。百合雪耳熱飲(跟面價$9)味道比紅棗茶更加清淡，喜歡清淡既朋友可以一試。