嘗越

Open Now

Now Closed

午飯時間，門口企滿等外賣嘅人，堂食嘅話反而即刻有位，非常好彩！一埋位睇餐牌，見到食物選擇眾多，主要分為湯河、喇沙、撈檬同埋客飯，小小一間餐廳，估唔到午市都提供咁多種嘢食，真係唔話得！餐廳空間唔大，但枱與枱之間有一定距離，無好似其他餐廳咁侷促，整體嚟講坐得算舒服。最後揀咗生牛肉湯河($62)，跟一杯熱飲，另加$5 配多2隻炸雞翼，成個set盛惠$67。湯河方面，湯底味道濃淡適中，河粉有少少淋；生牛肉份量略少，但肉質細嫩，味道唔錯；炸雞翼出餐時已經凍咗，好明顯係炸定，但食落味道唔差，整體食物水平唔錯，絕對值得一試。