波士頓餐廳

Open Now

Now Closed

呢排成日去港島區做野, 話說一直聽講有間舊式扒房好值得一試, 出開去就緊係要食啦😋😋波士頓餐廳就係修頓隔離, 又真係幾方便! 入面位多, 而且多卡位Menu 方面, 除左散叫嘅扒之外, 都會有午市套餐, 唔想諗嘅朋友可以叫套餐啊~先黎左餐湯, 羅餸湯酸味適中, 而且料多! 但係忌廉湯就有 D 水, 不過味道都唔錯💟西冷扒 5成熟煮得剛剛好, 而且份量好大啊就快見唔到塊鐵板咁, 而且意粉另上, 絕對唔會比意粉佔到鐵板位置~醬汁味道唔會太鹹, 而扒都有牛肉味, 只係筋比較多 D!之後黎埋鐵板石班魚塊, 呢個就有少少失望, 雖然炸得都唔錯, 而且魚塊夠新鮮, 不過 D 醬多返 D 會更好食😙總結: 2個人 total 食左 HKD300 左右, 包埋一杯餐飲, 以舊式扒房質素唔錯💪💪而且地點方便~而食物有改善空間。