台南皇麵線 (Closed)

去完台灣旅行，食過阿宗麵線後，一直都好掛住佢既味道。✈️早前見到葵涌廣場開左一間專食台灣麵線既店，當然即去試下，一解我既癮。我叫左一碗辣既大腸麵線。🌶1️⃣佢有別於台灣既係佢既辣唔係落辣椒醬，而係落辣菜脯。可惜佢唔可以比人自己落配料，而係員工落，所以好唔過癮。😅2️⃣而大腸麵線唔係一齊煮，而係你嗌完之後，店員先會攞大腸出來切細，放落碗，再落麵線。所以覺得兩者味道唔太夾。3️⃣而麵線真係要盡快食用，因為好快變晒水。4️⃣食完後，覺得菜脯仲好味過麵線。如果真係有排都唔得閑去台灣，都可以買一碗試下，解下癮先。不過我試完一次後，就未必會再食第二次，寧願等下次得閑去台灣再食