強記大排檔

Open Now

Now Closed

男朋友住粉嶺，於是同埋佢家人一齊去比較近既上水街市食小炒，上水火車站行黎唔算耐，但路線好複雜！睇住google map都好難搵到路，因為果頭係天空之城，要不斷穿商商場先黎到！不過勝在唔洗等位，因為成個熟食街市都係同一齊經營，一個menu有三、四間唔同店，可以一齊叫，係個比較特別既經營手法。四個人叫左五碟送，有沙拉骨、海鮮炒飯、蒜蓉白菜仔、茄子魚腩、椒鹽九肚魚，再加兩支藍妹，剛剛好飽。味道不過不失，但比起平時食開元朗、屯門既大排擋，叫無咁夠火喉，無咁惹味，份量都無果頭既咁多，但算合理價錢。五碟送入面最中意既係沙拉骨，比較無咁膩，甜甜酸酸既沙律醬配飯都唔錯。只於最差既係海鮮炒飯，唔係唔好食，但真係唔太多海鮮，不過60-70蚊真係唔可以要求太多。