Basilico (Closed)

一個旺角，一個銅鑼灣，食飯時間無訂檯，真係會等到人嬲嬲豬囉！都係M佬最醒，即刻帶我去銅鑼灣二線地段嘅登龍街覓食！記得我仲讀緊書（當然唔係好耐之前），登龍街有好多上樓酒吧，曾經因為唔同嘅轉變，變得越嚟越少人，直到近年Jamie’s Italian嘅出現，令到登龍街人流再次回升，仲開咗好多食肆添！而M佬今日就帶我去到永光中心，望住個水牌，真係唔識揀呀，一於交畀命運啦，用點指兵兵嘅方法，雖然兒戲啲，但總算決定好今晚嘅餐廳喇！上到嚟9樓，餐廳又幾多feel喎，原來人流都唔少，好彩等5分鐘就有位喇！BBQ Sticky Ribs (Half)出街食飯，總想叫多啲，因為想試多啲唔同種類嘛（當然咪做大嘥鬼），呢度就有半份嘅燒豬肋骨，啱哂心大心細嘅你啦！唔好以為半份好少喎，原來都有7條骨架，肉質仲好嫩滑添！而最重點就係個特製嘅BBQ醬汁，味道濃郁，好入味。但如果鍾意清淡啲，記住邊食燒豬肋骨嘅時候，食埋旁邊嘅沙律菜中和番。Grilled Snapper通常我哋2個出去食飯，一碟紅肉，另一碟就會選擇白肉。今次就叫咗個Grilled Snapper，呢個魚烤得啱啱好，唔會太乾，仲保留到魚嘅鮮味。味道同個Ri