陵發潮州白粥 (Closed)

首先係好奇怪, 差不多十日前寫的幾個食評到而家都無登到 唔通openrice 壞左? 言歸正傳, 今晚去陵發潮州白粥打冷, 因為仔仔在網上發現有好多食家一致讚好, 於是我地就同埋婆婆三代同堂撐枱腳 去到發現, 沒有炒的食物, 只有打冷的例如鹵水, 凍蟹之類, 連菜都只有灼的而沒有炒的, 不過打冷店其實就唔應該包括炒的食物, 咁先叫正宗 味道係真的不錯, 最好食係咸酸菜排骨, 用嚟送白粥係一流的配搭! 鹵水鵝片都唔錯, 不過鹵水汁唔係好夠多, 要另外再加一小碗的鹵水汁嚟點先得, 竹筍的味道都係好好的, 不過仔仔覺得陣味好似腐乳咁, 唔係好接受; 唯一要彈的係條大眼雞, 肉霉... 又細條, 但豆醬的味道好, 彌補了不足! 整體係幾好食的, 所以有咁多人讚都唔出奇