龍皇酒家 (活@KCC) (Closed)

一個平常嘅中午，大約12點左右嚟到 K CC 嘅龍皇酒家，諗住食返幾個點心作午餐，點知未食到點心已經受咗一肚子氣，飽晒.....😤嚟到嘅時候，眼見滿場都是空出來的座位，只有大約10幾枱嘅客人，而接待處小姐問我有冇訂位，我話冇，佢立即問我食唔食小菜套餐加點心，因為我一心諗住嚟食點心，所以我答佢話唔食套餐了，咁佢就叫我自己按飛攞籌號等，咁我三個人，所以按了B，係B號嘅第一張籌，跟住慢慢等.....在我等待的15分鐘內，接待員小姐不停咁接到訂咗電話，大多數都話而家嚟緊或者10分鐘內到，接待員小姐重複嘅答案都係小菜套餐立即有位.....15分鐘後我走去問接待員小姐何時開始叫籌號？佢以非常厭惡嘅語氣及黑面嘅態度答我話「你唔使諗，無位呀！無位！！！」吓，我以為我自己聽錯😳同行嘅朋友再問多接待員小姐一次，何時開始會叫籌號？佢嘅態度更加惡劣，直情唔睬我地，試問現今香港咁樣嘅飲食服務態度點可以咁差㗎？未食點心但已經受咗一肚氣！既然「龍皇酒家」午市只希望做套餐生意，那麼就不如名正言順寫明，以免想食點心作午餐嘅客人白走一趟。更加希望你哋檢討一下接待員對待客人嘅服務態度！我哋係消費者，喺你哋酒樓享用服務是要付