是但求其食 (Closed)

平時好少走入去朗屏搵野食，因為覺得位置有點唔就腳，但原來朗屏都真係有幾多好西架喎！今次就去了一間叫做<<求其是旦食>>既西餐廳，個名好特別。一進入店內，已經好驚訝，因為有投射大電視係牆身播緊video。座位坐得舒服，而侍應亦很好態度，好細心。 龍蝦汁海鮮扁意粉 - 意粉質地煮得剛剛好，軟硬恰當，配上新鮮大頭蝦，以及少量海鮮，十分好食！ 黑松露野菌Pizza – 最怕食完一塊已經食飽左個肚既厚Pizza，但我地食既呢個Pizza底好薄脆，一d都唔膩，兩個女人每人3塊都唔覺得滯，好正。 炸蕃薯條 - 很香脆，一點都唔油膩，帶有少少甜味，初頭以為會食唔哂，但轉頭已經成兜清左！ 熱情果沙冰 – 好大杯，勁抵飲，熱情果味道都濃，好飲！奇異果梳打 - 甜度剛好。總括來說，食物方面很有水準，環境同服務態度方面都很好，價錢亦都合理，值得大家都去幫襯同品嚐一下。