Video
Read full review
2015-07-12
540 views
母親大人鍾意上海菜, 難得放假就諗住近近地去尚點試下啦......之前成日行過都見佢門外有好長嘅隊喺度等位, 咁就預早一日打去訂位, 但晏晝打去時已經話full booking要walk-in, 都唔緊要, 早有早食, 就決定食晚市頭輪, 希望唔駛等咁耐啦......1750, 母親大人已經去到, 果然無人等位, 咁就直接入座啦, 限時90分鐘, 但以我家嘅速度而言, 肯定綽綽有餘......一入座, 母親大人已經叫左7個餸, 有1) 河蝦仁海帶煨麵; 2) 雞絲粉皮; 3) 香煎素鵝; 4) 燻蛋; 5) 鮮肉小籠包; 6) 薺菜豆腐羹; 7) 雪菜肉絲炒年糕......先上枱嘅喺雞絲粉皮, 同平時喺其他上海舖食嘅有D唔同, 呢度嘅雞絲粉皮個醬汁好明顯較為深色, 認該係落左醬油或者豉油落去, 不過味道就同其他地方無乜分別第二樣上枱嘅係炒年糕......一上枱, 即刻打個突, 點解碟炒年糕會同上海粗炒一樣咁深色架!!! 我自問唔喺餐餐都食上海野, 但係落老抽去炒雪菜肉絲, 我真係第一次囉!!! 食落口, 除左咸味, 就係咸味, 雪菜本身嘅味道, 同豬肉本身嘅味道都全部被覆蓋曬, 可惜可
1750, 母親大人已經去到, 果然無人等位, 咁就直接入座啦, 限時90分鐘, 但以我家嘅速度而言, 肯定綽綽有餘......一入座, 母親大人已經叫左7個餸, 有1) 河蝦仁海帶煨麵; 2) 雞絲粉皮; 3) 香煎素鵝; 4) 燻蛋; 5) 鮮肉小籠包; 6) 薺菜豆腐羹; 7) 雪菜肉絲炒年糕......先上枱嘅喺雞絲粉皮, 同平時喺其他上海舖食嘅有D唔同, 呢度嘅雞絲粉皮個醬汁好明顯較為深色, 認該係落左醬油或者豉油落去, 不過味道就同其他地方無乜分別
第二樣上枱嘅係炒年糕......一上枱, 即刻打個突, 點解碟炒年糕會同上海粗炒一樣咁深色架!!! 我自問唔喺餐餐都食上海野, 但係落老抽去炒雪菜肉絲, 我真係第一次囉!!! 食落口, 除左咸味, 就係咸味, 雪菜本身嘅味道, 同豬肉本身嘅味道都全部被覆蓋曬, 可惜可惜......跟住上枱嘅係煨麵, 煨麵嘅湯底唔錯, 河蝦仁都爽口彈牙, 整體而言都唔錯嘅......
第四樣上枱嘅係小籠包, 小籠包皮薄, 有湯汁, 本身係唔錯嘅作品, 但因為一個問題, 再好味嘅野都即刻大打折扣!!! 我地一行四人, 兩個一邊咁打對面坐喺一張方枱度, 而整番果兩邊其中一邊貼牆, 咁好自然上菜位喺淨番果邊無人嘅枱邊位啦係咪? 點解係都要捨易取難, 要喺我同我隔離個人中間上菜呀! 技術好我都算吖, 手又唔夠長, 仲要撞到我背脊, 咁係咪搏鬧呀!! 第五樣上台嘅素鵝又要咁上菜? 喺咪專登架!!! 難得我同母親大人出黎食飯, 無謂令佢掃興, 好, 忍你!!
講番碟素鵝, 無乜特別, 就咁煎香就上枱, 醬汁欠奉, 不過本身嘅味道都充足嘅, 整體算不過不失啦......第六樣上豆腐羹, 又諗住喺我後面上? 大佬呀! 個煲重架, 你唔夠手力成煲整跌的話我入硬醫院架!! 結果連母親大人都睇唔過眼, 叫個侍應喺枱邊上, 我先保得住小命......豆腐羹其實本身無乜特色, 但可能因為剛剛食完素鵝, 個豆腐羹正好清一清味蕾, 感覺上特別好味
最後一樣上嘅係燻蛋......燻蛋係凍嘅, 呢樣唔出奇, 咁花功夫去整嘅菜式實在無可能收到order先開始整, 但出奇就出奇在預先做好嘅食品竟然去到最後先上枱? 一食落口, 除左凍冰冰嘅感覺之外, 完全無燻蛋應有嘅香味, 究竟我食緊嘅係未完成嘅半制品, 定係求其整嘅次貨呀?
本來開開心心食餐飯, 結果食到成肚火, 尚點你都算好野喇!
Other Info. :
講開服務質素嘅問題, 不得不提......食到一半嘅時侯, 突然間聽到有警鐘響! 四圍望一望, 見唔係火警鐘響, 就問下行過嘅侍應究竟發生乜事啦, 點知佢竟然答我地話 "成日都係咁架啦, 唔駛理"......大佬呀, 我理得你個警鐘一日響10次定一日響100次啦, 我係問緊你發生乜事囉, 唔該你都認真答我吖, 你唔知可以答我唔知, 唔係喺度九唔答八囉!! 你咁講完, 仲衰過你完全乜都唔囉, 知唔知呀!!!!
(The above review is the personal opinion of a user which does not represent OpenRice's point of view.)
Post