Video
Read full review
2024-11-21
20 views
叫個set，有餐湯餐包，pizza，海鮮拼盤同肉食拼盤。聽落好豐富，收成三百幾四百一個人，難食到難以置信。人生好耐冇食過咁難食嘅嘢，與其話佢難食，不如話佢CP值極低。首先個餐湯，真係未試過忌廉湯入邊會有打碎晒嘅薑，超難飲…然後佢個Pizza，仲難食過薩莉亞，又細份🤣個海鮮拼盤係成個套餐入邊最不知所謂，每人一隻蜆一隻青口，完全係白烚無味，一咬落去係有白開水湧返出嚟，完全冇鮮味，如果瞌埋眼都唔知自己食緊乜🤣個海鮮拼盤仲有每人一隻炸蝦，全部都係炸粉，真係極度無奈。個肉食拼盤係得個牛扒好食啲，但份量極細，羊扒一般，都係冇乜味，個拼盤仲有腸仔，但唔知點解呢間餐廳，可以連腸仔都唔好食。我身為一個女仔，除咗完全食唔飽，仲要樣樣嘢都難食，得個牛扒擺得落口，呢個咁樣嘅套餐都好意思收我368仲要加一……真係覺得好搵笨，奉勸大家唔好嚟，環境又唔係特別靚，大美督仲有好多更加好嘅餐廳，大家無謂嘥錢嘥時間
人生好耐冇食過咁難食嘅嘢，與其話佢難食，不如話佢CP值極低。
首先個餐湯，真係未試過忌廉湯入邊會有打碎晒嘅薑，超難飲…
然後佢個Pizza，仲難食過薩莉亞，又細份🤣
個海鮮拼盤係成個套餐入邊最不知所謂，每人一隻蜆一隻青口，完全係白烚無味，一咬落去係有白開水湧返出嚟，完全冇鮮味，如果瞌埋眼都唔知自己食緊乜🤣個海鮮拼盤仲有每人一隻炸蝦，全部都係炸粉，真係極度無奈。
個肉食拼盤係得個牛扒好食啲，但份量極細，羊扒一般，都係冇乜味，個拼盤仲有腸仔，但唔知點解呢間餐廳，可以連腸仔都唔好食。
我身為一個女仔，除咗完全食唔飽，仲要樣樣嘢都難食，得個牛扒擺得落口，呢個咁樣嘅套餐都好意思收我368仲要加一……真係覺得好搵笨，奉勸大家唔好嚟，環境又唔係特別靚，大美督仲有好多更加好嘅餐廳，大家無謂嘥錢嘥時間
Post