順．和の味 (Closed)

最近最愛同埋最有驚喜嘅一間餐廳，呢間順．和の味係香港首家引入九州福岡水炊鍋嘅食店～就相約幾個朋友去食勻佢嘅招牌。主要要試佢地主打嘅佢地日本鳥水炊鍋套餐，佢地用左無添加無激素嘅日本華味鳥，華味鳥飼養過程係不含賀爾蒙、激素或添加劑！店員煮個鍋嘅時候都十分講究，先試左湯嘅原味，雞嘅鮮味最原始嘅味道，擺左一陣未飲已經有一層衣係面頭，就証明水炊鍋嘅湯底骨膠原相當重呢！飲落帶點漿口～試完原味就會試下加少少鹽落杯度，味道又提升左！其後會落華味鳥雞腿肉去煮，煮後再飲又係另一滋味！仲有雞滑都好正啊～最後仲會加蛋去整埋雜炊，份量真係4人食都夠！步驟好多但店員都係慢慢係旁邊烹調，亦係因為佢地嘅講究先可以品嚐到華味鳥嘅鮮味！另外套餐仲有冰菜沙律、野菜盛合、甜品等，真係超豐富～除左有雞佢地仲有好多串燒，其中好鐘意食牛舌，好爽口～厚薄又適中！而惹味啲嘅可以點埋華味鳥土鍋飯，拌勻後食好香口～另有茶漬食法就相對清爽少少！我地當日預先訂座同埋order水炊鍋，佢地仲送左一人一杯超滿嘅prosecco！