和氣食堂 (河畔花園)

Open Now

Now Closed

星期日同屋企人行開沙田本來諗住係沙田食埋晚餐先返屋企，諗黎諗去唔知沙田有咩好食就開OpenRice見到和氣食堂排第一喎，之前食過佢黃大仙嘅分店，就決定今次試下佢啦餐廳位置唔算方便，沙田圍站C出口再要行10分鐘先到，餐廳門面唔算大，我地一行5人等位都等左大約半個鐘一坐底侍應好快就送上餐牌同熱茶，佢有實體menu不過落單就要scan qr code落，我地嗌左10樣野，上菜速度都好快天婦羅盛合7件天婦羅入面，有2隻蝦同南瓜，蟹棒、矮瓜、甜薯各一，炸得都幾酥脆，唔會太油，好食！電擊雞翼見個名咁得意 價錢又唔貴，就嗌左黎試下 哈哈，上枱個時見仲未知佢係咩味道，只見佢係有一層閃令令嘅野包裹住食落口？咦？係凍嘅？同埋係甜嘅？原來個層閃令令係麥芽糖黎嘅，幾好味，不過就有少少硬整體黎講用餐體驗同其他野食都唔錯！