黑樺牛 (Closed)

今日同媽咪嚟咗尖沙咀呢一間黑樺牛食火鍋放題😗顧名思義就係和牛任食啦🤤呢度嘅座位十分企理，我哋坐卡位相當闊落～首先就梗係嗌咗個湯底先啦，野生竹笙松茸菌鍋好足料，除咗大大條嘅竹笙，仲有猴頭菇、冬菇、松茸等等，可以話係越煲越濃😍接著會上前菜，包括有鬼馬油炸鬼同麻辣拼盤，油炸鬼炸得好香口，麻辣拼盤好切合香港人口味🤗再會上一個黑樺牧場精選層架～呢個層架上面有和尚頭、肩胛梅花、豬梅花，仲有墨魚滑同蝦滑～打卡一流，味道又好食😆呢個層架入面，我最鍾意係肩胛梅花同埋墨魚滑😍除咗食牛之外，我哋都加咗任食三重縣嘅蠔🦪😍呢個蠔本身已經係刺身級㗎喇，不過店家會將佢輕輕整熟少少，大約13分鐘之後就食得㗎啦，非常之肥美，有微微海水咸香，好鮮味😌食完呢round之後已經飽飽地🤣我哋當然都有再追加和牛啦～呢度嘅和牛總共有八個唔同部位，我每款都有試到～個人最鍾意特上霜降小排，油脂非常濃郁😍牛前胸同牛頸脊就牛香比較濃，仲有一個幾特別嘅玉子後腰肉，撈埋隻蛋之後令啲肉更加滑👍🏻豚肉方面仲有一款叫醉玫瑰梅花肉，除咗本身有花瓣喺上面，舊肉好似都仲真係有啲花味😌而其他配料都好多選擇同好高質～媽咪都大讚啲菜洗得好乾淨又新鮮呢👍🏻食食下