火鍋郎 (Closed)

又係打邊邊既日子，誤打誤撞試左尖沙咀呢間專食岩手黑毛牛火鍋郎。有時打邊邊都會想坐得舒服同朋友傾吓講吓，呢間裝修同埋枱與枱之間有番咁上下距離，唔會好迫咁咁，算係唔錯。講番湯底都幾多選擇，我地㨂咗黑松露野身竹笙松茸菌鍋試，如果你鍾意菇菌類呢個真係要試，勁多松茸仲有蟲草花，個湯底滿滿菇菌香。不過我哋聞到隔離卡位個花膠雞湯底都勁香勁吸引，話下次要試埋佢個花膠雞湯底。講番火鍋料，佢有好多唔同部位，㨂咗岩手黑毛牛和尚頭同牛肩胛，都係6秒食得。牛肉味唔錯，仲有墨魚滑、魚肉豆腐，枝竹等。整體來講呢間可以一試，不過要留意用餐時間2小時，稍微唔夠盡興。