牛舞日本燒肉‧涮涮鍋放題 (1亞太中心) (Closed)

放題出名品質參差不齊，不過有朋友話呢間食過好好，既然有口碑就放心喇😌呢間牛舞燒肉放題入座時間有足足2個鐘，有138種食物可以仼點，無限任食日本薩摩和牛🥰唔怪得朋友話正，薩摩和牛拼盤嘅霜降好靚好新鮮，終於試到入口溶化果種感覺🥹仲要係任食，成件事好癲😂和牛就叫得最多，薩摩牛肋肉、牛赤肉等等。每種部位都有唔同風味，有彈牙、有嫩滑、有牛味香濃，好正🤤🤤和牛以外，其他肉類如燒肉汁羊肉片，雞脾肉都非常出色。留返半個肚，仲要食涮涮鍋同其他熟食（都係任叫任食😂）。湯底多款免費任揀，豆腐味噌湯清甜健康，都有薩摩和牛，輕輕一淥，同燒肉又係唔同風格，一樣食到完整的高質和牛味。仲有熟食都有驚喜😃燒吞拿魚沙律嘅吞拿魚半生半熟好吸晴，質感好軟好嫩滑。海鮮甲羅燒同磯煮鮑魚份量超大，味道一樣鮮甜。飲品同酒精都係任飲🍻真係平靚正，好抵食。