Video
Read full review
2019-09-12
562 views
星期一同朋友收工約左去銅鑼灣行街，順便食呢間燒肉放題，朋友聽人介紹呢間質素好，所以我地就一齊去食下餐廳平日收費係成人$288(另收加一)，價錢係燒肉放題黎講算係正常合理價錢。.餐廳而家做緊promotion，係餐廳門口擺左一個拉筋遊戲，食客可以憑住參與遊戲拉筋去贏食材，最勁拉到一字馬係可以贏到和牛！不過因為我地幾個都係著裙，就無參與到啦.不過，我地都享用到另一個優惠，就係like 熊本燒肉FB page送海鮮拼盤！無諗過送嘅都咁有份量！海鮮拼盤按人頭計份量，入面有鮑魚、青口、扇貝、蠔、虎蝦同一個蟹蓋，海鮮十分新鮮又大隻，真係好抵！店員仲好細心幫我地燒海鮮同話我地知幾時食得，所以最後燒出黎嘅海鮮啱啱好，好食！我地一開頭點左啲刺身同小食食頂住肚先，之後先慢慢燒肉，當中清酒煮蜆幾好食。.燒肉又點可以無牛！所以，我地一聽到加$38/人 有得任食和牛就立即加左😂呢個決定係無錯嘅！因為和牛切片油份重啲，燒出黎更香更好食！我地四個人總共叫左30份（1份3件) 和牛🤣🤣🤣如果唔加$38，其實都有好多牛、豬、雞、海鮮同蔬菜嘅選擇。當中我最推薦係明太子雞翼、厚切牛舌同牛里肌肉呢度仲有得燒棉花糖，幾特別！食
.
餐廳而家做緊promotion，係餐廳門口擺左一個拉筋遊戲，食客可以憑住參與遊戲拉筋去贏食材，最勁拉到一字馬係可以贏到和牛！不過因為我地幾個都係著裙，就無參與到啦
.
不過，我地都享用到另一個優惠，就係like 熊本燒肉FB page送海鮮拼盤！無諗過送嘅都咁有份量！海鮮拼盤按人頭計份量，入面有鮑魚、青口、扇貝、蠔、虎蝦同一個蟹蓋，海鮮十分新鮮又大隻，真係好抵！店員仲好細心幫我地燒海鮮同話我地知幾時食得，所以最後燒出黎嘅海鮮啱啱好，好食！
我地一開頭點左啲刺身同小食食頂住肚先，之後先慢慢燒肉，當中清酒煮蜆幾好食。
.
燒肉又點可以無牛！所以，我地一聽到加$38/人 有得任食和牛就立即加左😂呢個決定係無錯嘅！因為和牛切片油份重啲，燒出黎更香更好食！我地四個人總共叫左30份（1份3件) 和牛🤣🤣🤣
如果唔加$38，其實都有好多牛、豬、雞、海鮮同蔬菜嘅選擇。當中我最推薦係明太子雞翼、厚切牛舌同牛里肌肉
呢度仲有得燒棉花糖，幾特別！食到最後燒番幾粒當甜品幾好，不過記住留肚食一人一杯嘅Haagen Dazs雪糕！
Post
