Video
Read full review
2019-02-26
199 views
食個便飯不太hea嘅粉麵店(也有飯可點)之咖哩味同牛肉味都有掟企嘅濃湯河粉 (2019/02/15)坐得舒服，較少一大堆人搭檯今日約朋友喺沙田區Dinner，星期五嘅晚飯時間，沙田啲食店每間都人頭湧湧，晚上想食個便飯，又想可以坐得舒服，唔洗一食完就趕住走，讓位比門口啲客人，此店都算喺一個好選擇。雖然門口依然不時有人等位，但至少唔係茶記咁，一大張檯，一大堆唔識嘅人圍住一齊食嘢，唔係走遲半步都會唔好意思嗰種。眾多粉麵店競爭下，它們有自己的獨特性要數係沙田食粉麵嘅店舖由茶記數到連鎖粉麵店都有4-5間嘅選擇，但當朋友提議食"越北"，唔係為咗食生牛肉河or咖哩飯，我就有少少好奇，朋友話佢好幾次黎沙田都會黎"越北"食咖哩湯河，令我都有啲想試越式嘅咖哩湯同日式嘅差距有幾大。價錢不算太貴HK$52-HK$118我哋去到店前大約19:15，店已滿坐了，幸運地，等咗1-2分鐘就有位。點餐時都有考慮食番我叫慣嘅生牛肉河，但其實店內嘅河粉價錢相約，西貢咖哩牛腩湯河(HK$56)一試無妨。另外，朋友對於酸辣冇骨鳳爪極感興趣，於是點了作為開胃菜，之後我地各自點咗一個咖哩腩河。飲品方面，就冇點，但店內都有水提供。咖
之咖哩味同牛肉味都有掟企嘅濃湯河粉 (2019/02/15)
坐得舒服，較少一大堆人搭檯
今日約朋友喺沙田區Dinner，星期五嘅晚飯時間，沙田啲食店每間都人頭湧湧，晚上想食個便飯，又想可以坐得舒服，唔洗一食完就趕住走，讓位比門口啲客人，此店都算喺一個好選擇。雖然門口依然不時有人等位，但至少唔係茶記咁，一大張檯，一大堆唔識嘅人圍住一齊食嘢，唔係走遲半步都會唔好意思嗰種。
眾多粉麵店競爭下，它們有自己的獨特性
要數係沙田食粉麵嘅店舖由茶記數到連鎖粉麵店都有4-5間嘅選擇，但當朋友提議食"越北"，唔係為咗食生牛肉河or咖哩飯，我就有少少好奇，朋友話佢好幾次黎沙田都會黎"越北"食咖哩湯河，令我都有啲想試越式嘅咖哩湯同日式嘅差距有幾大。
價錢不算太貴HK$52-HK$118
我哋去到店前大約19:15，店已滿坐了，幸運地，等咗1-2分鐘就有位。點餐時都有考慮食番我叫慣嘅生牛肉河，但其實店內嘅河粉價錢相約，西貢咖哩牛腩湯河(HK$56)一試無妨。另外，朋友對於酸辣冇骨鳳爪極感興趣，於是點了作為開胃菜，之後我地各自點咗一個咖哩腩河。飲品方面，就冇點，但店內都有水提供。
西貢咖哩牛腩湯河
$56
33 views
1 likes
0 comments
咖哩腩河高質湯底，重點在湯不在肉(HK$ 56)
之前係日本食過當地嘅咖哩湯非常濃，但甜甜地，對比之下越式嘅咖哩湯濃郁之餘有種微辣，口味上係有啲剌激。如果嗰排食嘢清淡，想食啲濃味嘅湯河，咖哩腩河應該會令你非常滿足。有咖哩味之外，都會感受到牛腩味嘅存在，不過牛腩肉質普普通通，唔係入口即溶嗰種，可能因為現代人注重健康，所以牛腩不太肥。
酸辣冇骨鳳爪
$56
29 views
0 likes
0 comments
酸辣冇骨鳳爪，開胃香口(HK$ 56)
開胃菜式，酸味同辣味配合得剛剛好。提起冇骨鳳爪仲諗起個傳說同朋友分享，冇骨鳳爪有傳以前係由呀婆用口去骨，朋友仲笑說咁你一陣點餐時問下佢點去骨。冇骨鳳爪隻隻完整，香口好味，但如果冇食慣辣嘅朋友，可能要飲住水黎食。菜式份量都算多，我同朋友食完麵都唔係好食得落依個小菜，係剛剛好食哂所有嘢。可能因為女生本身胃口唔太大。
計番兩人，每人一碗麵加一個小食，HK$84一位。
總結，一次不錯嘅便飯，食粉麵唔太貴，其實仲有唔少選擇，有機會下次你都黎試下依間。
Post
