Video
Read full review
2016-02-25
2280 views
睇過啲介紹，知道Espresso Alchemy嘅幕後班底好強勁，有獲認證嘅專業咖啡烘培師、世界咖啡師大賽嘅資深評委，以及經驗豐富嘅咖啡師 ，所以，嚟得依度，食都喺其次，咖啡先喺重點 ，今晚同麵包班同學仔嘅茶聚，就喺想清靜傾吓偈，研究吓飲飲食食。咖啡店開晌尖沙咀WK商場嘅地庫，可能成個地庫都只喺賣運動衫褲同相關產品，出奇地人流甚少，所以，變得有種旺（尖沙咀地段）中帶靜（商場內情況）嘅感覺。而餐廳採用開放形式，感覺開揚，更感 脫離繁囂 。簡約嘅裝修風格，水泥牆配木地板，撞出一份原始嘅環境，一邊牆再加些小擺設作點綴，讓人輕鬆自在。其實，依度又豈止喺間咖啡店，當中擺咗唔少跟咖啡嘅物品或作零售嘅產品，可以講喺小型咖啡資料館。咖啡喺主打，食物嘅供應就走貴精不貴多嘅路線，有多士、沙律、意粉、全日早餐、牛仔骨、甜品及炸薯條。點選以上食物，均可以+$20配美式咖啡 / 拿鐵 / 卡布奇諾 / 茶，而前者主食類（即甜品及炸薯條以外），+$10可配餐湯 / 沙律，變相可以成為套餐 。 炸薯條配松露蛋黃醬 $49 雖然炸薯條配松露醬依家晌好多食店都有賣，尤其啲漢堡包店，似乎變咗欠缺特色，不過，
咖啡店開晌尖沙咀WK商場嘅地庫，可能成個地庫都只喺賣運動衫褲同相關產品，出奇地人流甚少，所以，變得有種旺（尖沙咀地段）中帶靜（商場內情況）嘅感覺。而餐廳採用開放形式，感覺開揚，更感 脫離繁囂 。
簡約嘅裝修風格，水泥牆配木地板，撞出一份原始嘅環境，一邊牆再加些小擺設作點綴，讓人輕鬆自在。
其實，依度又豈止喺間咖啡店，當中擺咗唔少跟咖啡嘅物品或作零售嘅產品，可以講喺小型咖啡資料館。
咖啡喺主打，食物嘅供應就走貴精不貴多嘅路線，有多士、沙律、意粉、全日早餐、牛仔骨、甜品及炸薯條。點選以上食物，均可以+$20配美式咖啡 / 拿鐵 / 卡布奇諾 / 茶，而前者主食類（即甜品及炸薯條以外），+$10可配餐湯 / 沙律，變相可以成為套餐 。
炸薯條配松露蛋黃醬 $49 雖然炸薯條配松露醬依家晌好多食店都有賣，尤其啲漢堡包店，似乎變咗欠缺特色，不過，依個組合又真喺幾好食，解解心癮仍然喺個好選擇。薯條炸得非常香脆，而且入口唔油，自家調校嘅松露蛋黃醬亦做得好，睇得出落足料，所以，松露香味突出，但又有點開胃嘅酸香，只喺小弟覺得個醬稍稍杰身咗。
黑椒牛肉配芽菜絲蜜糖芥末醬麥多士 $49 可能對件麥多士諗多咗，佢只喺一般厚切嘅全麥方包所做，輕輕烘過再唧上蜜糖芥末醬，再放上現成貨嘅黑椒牛肉，就連芽菜絲亦唔見有落，伴以沙律菜配黑醋，整體感覺普通；還好嘅喺，個醬汁味道唔錯，輕盈有蜜香，芥末味薄身，唔怕太嗆。
香煎虎蝦配蘆筍蕃茄汁意粉 $68 依詭意粉就做得相當出色，原因喺意粉入口有嚼勁，煮得咬口啱啱好，而個蕃茄汁酸香鮮活又帶點辣，兼且令意粉掛滿汁，卻無咩多餘嘅汁剩低 ；虎蝦起晒肉，食得方便，最緊要喺夠新鮮爽口 ，蘆筍亦鮮嫩無渣。
香煎虎蝦配蘆筍蕃茄汁意粉
$68
39 views
1 likes
0 comments
香蕉蛋糕配蜂蜜及牛油 $33 見啲人寫到個檸檬蛋糕好好食，一心都想試，不過，是晚只剩香蕉蛋糕及朱古力布朗尼，後者經常食，所以，就試一試前者。色澤黝黑嘅香蕉蛋糕，比預期仲要深沉，我見廚櫃喺將蜂蜜及牛油分開上，不過，嚟到時已經加晒上面，我仲諗住自己倒時多蜂蜜、少牛油添。
蛋糕嘅質感不俗，綿密軟熟，至於香蕉嘅香味清甜澎湃，而蜂蜜滲落去之後，唔單令件蛋糕微微濕潤，更晌蕉味中滲出蜜香 。
拿鐵Café Latte +$20（正價$35） 小弟要咗杯拿鐵，無論拉花、醇香、順滑度、均勻度都手勢上乘，唔使加糖，小呷一啖，口感及味道好平均，我就唔敢話最好，但絕對喺高水準，認真要慢慢細味。
拿鐵 Café Latte
$35
25 views
1 likes
0 comments
雖然佢中文譯白咖啡，但跟馬來西亞所飲嘅白咖啡喺兩回事，Flat White都喺鮮奶咖啡嘅一種，只喺跟Cappuccino、Latte晌濃縮咖啡同奶泡嘅比例分別而已。朋友嘅白咖啡亦都好正，佢話奶泡令咖啡十分細滑。
白咖啡 Flat White
$36
47 views
1 likes
0 comments
Post
