白羊咖啡 (麗日閣)

Open Now

Now Closed

因為價廉物美，性價比高，同女朋友都黎過幾次，但琴日有個不愉快嘅用餐體驗。雖然都唔會expect佢有啲乜嘢服務，但今次態度就真係唔理想。入到舖叫位女店員幫手screen針卡，佢揾部手機既同時已經好唔耐煩咁，仲口黑面黑，咁我都明人係有情緒，所以嗌埋野飲就算。嗌左Hot Mocha同Hot Hazelnut Latte, 杯mocha都正常水準，但就係杯latte就完全冇榛子味，同普通latte冇分別，有可能落錯單，我就咁就同另一位店員講返，兩位店員了解後就話我知佢地冇落錯，同埋佢地既咖啡係淡味，但因為之前飲既味都唔會淡到冇榛子味，所以就知有機會佢落錯，但感覺佢地唔想再同我地處理而是但敷衍了事。其實都幾鐘鐘意呢間cafè ，但經過今次真係打咗折扣，有啲失望。