Kubrick

Open Now

Now Closed

曾經有段時間差唔多每個星期二都會去電影中心睇戲，散場後去埋樓下睇電影海報，再過隔離 Kubrick 睇書，最後食埋嘢，就係一整套嘅指定動作。上星期又嚟到呢度睇戲，當然要趁機會幫襯一下間 cafe。我揀嘅午餐係香草茄蓉西蘭花烤雞意粉，配忌廉蘑菇湯同咖啡。餐湯上枱時啲忌廉落到一撻撻，影響賣相，呷一口，唔算 creamy，磨菇味濃郁但有少少酸，感覺放得耐咗啲。主菜意粉完全符合商品說明條例，香草同茄蓉落得勁重手，基本上主宰成碟意粉嘅味道，鍾意呢種口味嘅食客應該食得好滿意，不過大前題係你要真係食得幾酸下。至於烤雞同西蘭花，由於已變成大配角，我其實冇咩印象，只記得正常水準咁囉😂。反而杯咖啡係全個午餐嘅亮點，雖然細細杯，但係非常厚身，果香味濃郁，after taste 強勁，真心正。