吉利尼 (Closed)

突然之間想食叻沙嘅話多數都會諗起呢間吉尼利，我覺得佢雖然都係連鎖店，但係好食過另一間xx工坊。今日叫左一個傳統嘅叻沙同埋肥牛叻沙，另外再加多個咖央多士同一杯薏米水。傳統嘅叻沙有魚片、蝦、豆卜同埋蛋。至於另一個肥牛叻沙無左魚片同埋蝦，但就變左做肥牛。肥牛嘅份量望落都算多，而佢嘅湯底我覺得比xx工坊濃少少嘅。今日個湯底嘅味道同平時食嘅係一樣味，但係唔知點解湯嘅份量就好似少左d！至於個咖央多士味道正常，中間都係有一大片牛油，美中不足係佢唔夠熱，熱番少少應該會好食好多！食完d濃味野，當然要配番杯薏米水下下火啦！