Emporio Antico (Closed)

星期六都要返工，趁住lunch黎透下氣，黎到駱克道街市附近，樓上有間餐廳華麗別緻，有梳化位，座位不多，環境寧靜舒適。Brunch set好豐富，有5個course，好滿足！首先係魚子醬，兩款都好新鮮，上面都有金箔，三文魚子晶瑩剔透，鱘龍魚子醬鮮甜，配sour cream鮮味更突出。香檳甜甜地易入口，每食一道菜之前都飲一口，清一清味蕾，每道菜嘅味道都可以顯得更鮮明。新鮮帶子配酸甜果醬，鮮味更突出。味噌沙律撻呢個菜式好特別，感覺新穎，清新開胃。松露餅餡豐富，酥皮鬆脆。Prama ham同salami咸咸地，配香檳一流。侍應即場批新鮮松露，灑在溫泉蛋上，與野菌攪拌一齊食，天然調味，口感新穎，松露一片片伴蛋黃同野菌，食雞蛋食菇嘅氣派都唔同啲！慢煮Pork Belly肉質好淋，外皮香脆，配蘋果醬及香橙，感覺清新，雖然豬腩肉非常肥美，但不會覺得肥膩。最後甜品係海鹽雪糕同opera cake，蛋糕係咖啡朱古力味，帶有酒香。