Video
Read full review
2024-09-27
2835 views
餐廳：壽喜・關西 (銅鑼灣)地址：銅鑼灣耀華街16號地舖銅鑼灣耀華街呢條美食街最近開咗一間全新嘅日式壽喜燒餐廳——壽喜・關西🇯🇵 ，依家只需要讚好或者Follow佢哋嘅IG/FB專頁再影張相出story/post👍，就即送你330ml生啤一杯（白/黑）或者40g和牛赤身一份‼️平日午市過嚟全餐廳都坐滿客人，就算去到一點幾兩點餐廳都依然需要排隊入座，想過嚟食嘢就真喺要趁早🤓。佢哋推出全日Menu，主打日本十勝產A4+和牛嘅關西風壽喜燒🐮，最平只需要$168就食到120g A4+和牛赤身切片，而最高級份量最多嘅180g A4+和牛肉眼切片都喺$288，仲要唔使加一，難怪吸引咁多人過嚟幫襯😎✝️十勝產A4+和牛切片(肉眼） 120g $238今次揀咗呢個極上肉眼壽喜燒套餐，除咗有和牛肉眼之外，仲有兩份前菜、野菜盛合、日本蘭王蛋🥚、日本米飯或讃岐烏冬，同埋甜品——黃豆蕨餅同抹茶蕨餅。份量嚟講我覺得一個人就啱啱好，唔夠嘅咪加大肉嘅份量或者追加其他嘢食囉😗。佢哋嘅十勝和牛由北海道直送🛫，牛隻以鮮美牧草同蕎麥為主食，肉味自帶濃郁香甜味道，我所揀嘅肉眼屬於牛肋骨上面嘅肉，見到牛肉蘊含住豐富嘅脂肪同霜降級嘅
地址：銅鑼灣耀華街16號地舖
銅鑼灣耀華街呢條美食街最近開咗一間全新嘅日式壽喜燒餐廳——壽喜・關西🇯🇵 ，依家只需要讚好或者Follow佢哋嘅IG/FB專頁再影張相出story/post👍，就即送你330ml生啤一杯（白/黑）或者40g和牛赤身一份‼️
平日午市過嚟全餐廳都坐滿客人，就算去到一點幾兩點餐廳都依然需要排隊入座，想過嚟食嘢就真喺要趁早🤓。
佢哋推出全日Menu，主打日本十勝產A4+和牛嘅關西風壽喜燒🐮，最平只需要$168就食到120g A4+和牛赤身切片，而最高級份量最多嘅180g A4+和牛肉眼切片都喺$288，仲要唔使加一，難怪吸引咁多人過嚟幫襯😎
✝️十勝產A4+和牛切片(肉眼） 120g $238
今次揀咗呢個極上肉眼壽喜燒套餐，除咗有和牛肉眼之外，仲有兩份前菜、野菜盛合、
日本蘭王蛋🥚、日本米飯或讃岐烏冬，
同埋甜品——黃豆蕨餅同抹茶蕨餅。份量嚟講我覺得一個人就啱啱好，唔夠嘅咪加大肉嘅份量或者追加其他嘢食囉😗。佢哋嘅十勝和牛由北海道直送🛫，牛隻以鮮美牧草同蕎麥為主食，肉味自帶濃郁香甜味道，我所揀嘅肉眼屬於牛肋骨上面嘅肉，見到牛肉蘊含住豐富嘅脂肪同霜降級嘅油花，色澤的確幾靚仔吸引😍。
先開中低火燒溶牛脂，倒入自家製壽喜燒汁再放入和牛燒幾秒，
蘸埋蛋香味濃嘅蛋液確實一流🤤，不過自己燒就要小心啲，因為壽喜燒汁燒得太耐會燶，咁嘅話會影響和牛嘅口感同味道，所以真喺要注意燒嘅時間同火候😉。
食完火鍋加入自家製昆布湯煮埋野菜同烏冬，
可以按自己鍾意嘅湯底濃度調配壽喜燒汁同昆布湯嘅比例，
炮製屬於你鍾意嘅口味❤️，
最後我仲叫多咗杯巨峰提子汁($28)解吓渴💦
Post
