Video
Read full review
2022-07-14
1163 views
放工相約大學時期嘅一位內地生朋友食飯，佢畢業後留港工作，作為「港漂」嘅佢，有時比起我哋更加識飲識食😛。佢今晚就帶咗我去石塘咀嘅「湘聚小廚」，品嚐正宗湘菜。餐廳面積唔大，環境簡約，無別致嘅裝修，但都算企理，而且冷氣十足，喺咁酷熱嘅天氣下係非常重要㗎嘛☀️！呢度菜式選擇繁多，菜牌大大本，有齊圖片同文字介紹，好有心機。湘菜亦稱為湖南菜🇨🇳，並會融入辣嘅元素。餐廳好貼心，為咗照顧唔同人士嘅需要，辣度可供選擇。朋友亦為咗遷就我，而嗌咗小辣🌶。麻辣小龍蝦($198)，今次係我第一次喺香港食小龍蝦🦞，不過風味同樣十足。小龍蝦大大煲，底部用火㷫住，唔怕凍咗。菜式色澤紅亮，小龍蝦為主材，再配以辣椒、花椒同其他香辛料製成醬汁，整體味道具麻香。小龍蝦絕對係過份包裝嘅食物🤣，殼又大又硬，但肉身就細細，拆埋都無一碗。不過小龍蝦肉都幾鮮味，肉質彈牙，加上微微辣，幾滋味。鐵板孜然牛肉($118)，菜式用鐵板盛上，但就唔係熱到吱吱聲。🥩牛肉超大碟，直頭堆到成座山咁，我粗略估計應該有成廿幾塊，而且仲要大大片。鮮牛片肉質嫩滑，牛味都算濃🐮，孜然味係有，但就並非串燒嗰種咁重味，而辣度亦算恰到好處。芫茜蘿卜蜆湯($88)，我以
放工相約大學時期嘅一位內地生朋友食飯，佢畢業後留港工作，作為「港漂」嘅佢，有時比起我哋更加識飲識食😛。佢今晚就帶咗我去石塘咀嘅「湘聚小廚」，品嚐正宗湘菜。
餐廳面積唔大，環境簡約，無別致嘅裝修，但都算企理，而且冷氣十足，喺咁酷熱嘅天氣下係非常重要㗎嘛☀️！
呢度菜式選擇繁多，菜牌大大本，有齊圖片同文字介紹，好有心機。湘菜亦稱為湖南菜🇨🇳，並會融入辣嘅元素。餐廳好貼心，為咗照顧唔同人士嘅需要，辣度可供選擇。朋友亦為咗遷就我，而嗌咗小辣🌶。
麻辣小龍蝦
$198
62 views
0 likes
0 comments
麻辣小龍蝦($198)，今次係我第一次喺香港食小龍蝦🦞，不過風味同樣十足。小龍蝦大大煲，底部用火㷫住，唔怕凍咗。菜式色澤紅亮，小龍蝦為主材，再配以辣椒、花椒同其他香辛料製成醬汁，整體味道具麻香。小龍蝦絕對係過份包裝嘅食物🤣，殼又大又硬，但肉身就細細，拆埋都無一碗。不過小龍蝦肉都幾鮮味，肉質彈牙，加上微微辣，幾滋味。
鐵板孜然牛肉
$118
37 views
0 likes
0 comments
鐵板孜然牛肉($118)，菜式用鐵板盛上，但就唔係熱到吱吱聲。🥩牛肉超大碟，直頭堆到成座山咁，我粗略估計應該有成廿幾塊，而且仲要大大片。鮮牛片肉質嫩滑，牛味都算濃🐮，孜然味係有，但就並非串燒嗰種咁重味，而辣度亦算恰到好處。
芫茜蘿卜蜆湯($88)，我以為一百蚊唔使嘅湯，份量應該唔會好多，點知完全相反🙈。呢窩湯四個人飲都夠突…，我哋淨係飲湯都飽咗。湯品味道清清哋，🌿芫茜同蜆味一樣突出，兩者幾夾，另外仲有大量蘿蔔絲。蜆亦貫徹餐廳特色：就係份量多，有成廿幾隻，食極都有。
清炒萵筍片($78)，店員話萵筍絲賣晒，得返片狀，問我哋OK嗎。由於我哋都係想食條菜、清清味蕾，所以冇乜所謂。💚厚切萵筍片爽口，調味帶少少蒜香，但相信絲狀先食到師傅嘅刀功，口感亦更為爽脆。
養生小米糕
$58
46 views
0 likes
0 comments
總括嚟講，朋友果然有好介紹，餐廳嘅出品係難得唔重口味嘅辣辣菜式，食完都無口乾🥢。店員們雖然唔係傳統好有禮貌嗰種Style，但其實好親切，會同客人講笑傾偈。
Post
