3
Hiring
$14,000-$18,000
Monthly (Negotiable)
$18,000-$25,000
Monthly (Negotiable)
121
42
9
Level6
2014-12-25 390 views
聖誕又就快到,好多人都會打算食飯慶祝一下,如果同你講去打鞭爐迎聖誕,會唔會感覺怪咗啲?不過,如果喺雪糕火鍋,你又點睇呢?掹住食友車邊,出席咗今個寒冬Haagen Dazs嘅歡樂派對,率先一嚐多款為今個聖誕設計新推嘅雪糕甜品、飲品,以及一睹兩款充滿節日氣氛嘅雪糕蛋糕,你準備好未?Let’s Party!皇室堡嘅Häagen-Dazs地方特別寬敞闊落,光潔明亮,一室聖誕佈置,滿有佳節氣氛。睇見一櫃十多款唔同口味嘅雪糕,以及唔同造型嘅雪糕蛋糕,已經好期待一陣新推嘅甜品及飲品!今次所推出嘅4款應節雪糕甜品($106起)包括:飄雪聖誕夢、聖誕狂想曲、璀璨冬日及佳節獻禮,款款設計獨特,賣相立體且有心思。飄雪聖誕夢聖誕節又點可以無雪人呢?「飄雪聖誕夢」以兩球濃香軟滑嘅牛乳雪糕堆砌出造型可愛嘅小雪人,襯以法式焦糖燉蛋配仲夏野莓雪糕,營造出一份冬日暖意嘅感覺。焦糖燉蛋做得不俗,焦糖面頗焦脆,但做嘅範圍略嫌少,燉蛋挺實甜美富蛋香。如果,晌雪人頭上加頂士多啤梨「小紅帽」就更別緻。聖誕狂想曲你嘅聖誕狂想曲會喺點嘅?HD嘅狂想曲就以全新口味嘅焦糖香橙佛羅倫斯雪糕,加埋士多啤梨芝士餅、仲夏野莓、抹茶雪糕球,朱古力
Read full review
聖誕又就快到,好多人都會打算食飯慶祝一下,如果同你講去打鞭爐迎聖誕,會唔會感覺怪咗啲?不過,如果喺雪糕火鍋,你又點睇呢
?掹住食友車邊,出席咗今個寒冬Haagen Dazs嘅歡樂派對,率先一嚐多款為今個聖誕設計新推嘅雪糕甜品、飲品,以及一睹兩款充滿節日氣氛嘅雪糕蛋糕,你準備好未?Let’s Party
36 views
0 likes
0 comments
皇室堡嘅Häagen-Dazs地方特別寬敞闊落,光潔明亮,一室聖誕佈置,滿有佳節氣氛。
32 views
1 likes
0 comments
睇見一櫃十多款唔同口味嘅雪糕,以及唔同造型嘅雪糕蛋糕,已經好期待一陣新推嘅甜品及飲品!今次所推出嘅4款應節雪糕甜品($106起)包括:飄雪聖誕夢、聖誕狂想曲、璀璨冬日及佳節獻禮,款款設計獨特,賣相立體且有心思
31 views
2 likes
0 comments
43 views
2 likes
0 comments
飄雪聖誕夢

聖誕節又點可以無雪人呢?「飄雪聖誕夢」以兩球濃香軟滑嘅牛乳雪糕堆砌出造型可愛嘅小雪人,襯以法式焦糖燉蛋配仲夏野莓雪糕,營造出一份冬日暖意嘅感覺。焦糖燉蛋做得不俗,焦糖面頗焦脆,但做嘅範圍略嫌少,燉蛋挺實甜美富蛋香。如果,晌雪人頭上加頂士多啤梨「小紅帽」就更別緻。
飄雪聖誕夢
21 views
4 likes
0 comments
聖誕狂想曲

你嘅聖誕狂想曲會喺點嘅?HD嘅狂想曲就以全新口味嘅焦糖香橙佛羅倫斯雪糕,加埋士多啤梨芝士餅、仲夏野莓、抹茶雪糕球,朱古力片,以及厚厚嘅花形芒果雪糕磚所譜奏而成,味道紛陳,絕對喺一份雪糕狂「嚐」曲。焦糖香橙片,同小「士的」,令誕狂想多添一份聖誕美意。
聖誕狂想曲
20 views
3 likes
0 comments
璀璨冬日

HD本身有一款堂食甜品「月影迷情」,3球雪糕配以蜜糖烤香蕉、朱古力布朗尼蛋糕及棉花糖,而依個「璀璨冬日」跟「月影迷情」如出一轍,只喺多咗塊聖誕快樂朱古力牌及樹葉形朱古力,所以,喺幾款甜品中,創意較hea嘅一款。與其成隻香蕉船咁款,不如考慮吓幻化成一架鹿車。還好喺香蕉做到有焦脆感,幾款雪糕:抹茶、朱古力同士多啤梨都好食,朱古力布朗尼蛋糕亦都濃郁綿密。
璀璨冬日
30 views
4 likes
0 comments
佳節獻禮

佳節當前,總會互相送上小禮物,甜品「佳節獻禮」就喺以精緻小禮物盒作為造型概念。以4塊方形脆餅作為「禮物盒」,內裡喺牛乳雪糕配以數款新鮮生果點綴,「盒底」再嚟一層芒果雪糕磚,相信你都好想拆開依份禮物。側旁裝飾喺「士的」及焦糖香橙佛羅倫斯雪糕,各款雪糕始終有一定嘅質素,尤其芒果味,最得眾人歡心。
佳節獻禮
26 views
3 likes
0 comments
試過多款聖誕限定嘅雪糕甜品,實在好令人回味。但想跟家人或朋友分享,就不妨考慮以下專為聖誕而設嘅雪糕蛋糕($362起):冬日小屋及雪白聖誕,既精緻,又充滿節慶嘅賣相,絕對能夠取悅大家
冬日小屋
23 views
4 likes
0 comments
雪白聖誕
25 views
4 likes
0 comments
甜品以外,又點少得一啲聖誕特飲,幾款特飲又喺咪好吸引呢?小弟試咗當中嘅士多啤梨特飲,以士多啤梨牛奶、士多啤梨糖漿、忌廉及士多啤梨雪糕組成,攪勻後,冰涼透心,香滑而奶味重,如果喜歡飲奶昔嘅朋友,應該幾啱飲。
22 views
4 likes
0 comments
士多啤梨特飲
22 views
2 likes
0 comments
雪糕火鍋 $270

HD嘅雪糕火鍋一向都甚受歡迎,嚟到聖誕,必然要推出一個聖誕版雪糕火鍋。堂食價$270套,已包括兩盆共32球迷你雪糕(抹茶、雲呢拿、士多啤梨、仲夏野莓、曲奇雲呢拿、比利時朱古力、朱古力及夏威夷果仁,每款4球)
,以及一盆鮮果、朱古力布朗尼蛋糕、棉花糖及曲奇,而兩個蛋白脆餅小雪人「沐浴」於朱古力漿內,暖意無限。雪糕球沾過朱古力漿,形成脆皮效果,份外滋味,原來小雪人底下喺榛子碎
,將雪糕球黏滿榛子碎再沾朱古力漿,就加更可以享受到雙倍滋味,果真壓軸閃耀登場。
雪糕火鍋
$270
51 views
2 likes
0 comments
雪糕火鍋
27 views
5 likes
0 comments
雪糕火鍋
28 views
2 likes
0 comments
為使更多人可以晌屋企享受到雪糕火鍋嘅美味,外帶嘅禮盒裝更可以成為節日送禮佳品(原價$429-$576)。本身已配備鮮紅色及深紫色嘅小火鍋爐,今次更與香港創作品牌Chocolate Rain合作,推出全新「Häagen-Dazs™雪糕火鍋 x Chocolate Rain™」限量版套裝(48個指定口味迷你雪糕球),據知數量有限,手快有,手慢無
,有興趣嘅朋友良機勿失。
「Häagen-Dazs™雪糕火鍋 x Chocolate Rain™」限量版
52 views
3 likes
0 comments
「Häagen-Dazs™雪糕火鍋 x Chocolate Rain™」限量版
42 views
2 likes
0 comments
除咗以上各款雪糕甜品、雪糕蛋糕、雪糕火鍋外,仲有「歡樂派對禮盒裝」($199),一盒75ml x 15杯,包含5款口味:雲呢拿、士多啤梨、朱古力、香蕉、曲奇雲呢拿,同樣啱晒開派對之用,部份大型超市及7-11便利店已經有得買,超方便。你又會唔會已經有晒心水買邊款!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Dining Method
Dine In
Type of Meal
Dinner
Celebration
Christmas
Dining Offer
Tasting Event