老虎冰室

Open Now

Now Closed

屯門站📍老虎冰室-V city新開左呢一間冰室，見都有唔少人幫襯，我又去試下先。二世祖撈丁（$98）呢排日日食女朋友煮嘅野食，都想放縱一下😌呢個鮑魚帶子撈丁值得推薦，麵底唔會太淋，蠔油同鮑魚汁撈丁好惹味👍🏻鮑魚彈牙、帶子爽口、冬菇炆得入味，成碟好快比我清晒😹想encore！鰻魚蛋包飯（$72）成條鰻食嘅蛋包飯$72都算抵！條成鰻魚都好肥美，肉質彈牙，啖啖肉🤤蛋包飯份量多，如果再多d鰻魚汁會更好。一口雪花西多（$45）呢個一口西多都比較大舊，個口要大d先可以一口ko😹西多炸得鬆脆，糖漿自己按需要添加，我梗係落返7-8個圈先收手😎整體味道ok。另外半價要左兩杯特飲，分別係檸檬柑桔蜜烏龍茶同埋話梅青檸梳打多多，各$16。烏龍茶比較啖味，多多就酸甜開胃😋環境方面，開係V City嘅餐廳裝修一般都ok，何況呢間冰室係新開冇耐。卡位坐得舒服，上菜速度都好快。