Video
Read full review
2015-12-08
578 views
咁大個仔第一次踏足河上鄉，人生路不熟，梗係要搭的士啦 ﹗多謝兩位同事專程黎到兜埋我，話咁快轉埋灣就望到目的地喇。有的士直接係門口落真好，如果搭小巴的話，要係總站懲教處落再要行五分鐘架。室內地方都好大，鄉村地方係唔同啲。仲有冷氣、電視、卡拉 OK 同麻雀打添呢。同事們一收工就即時出發，我放假係屋企瞓覺，所以差不多夠鐘先慢條斯理到達。佢地已一早食緊頭盤麻雀加跑馬，氣氛都非常緊張精采，好搞笑。另一邊廂，戰況都十分激烈緊湊 ﹗見梁經理已經非常進取，但依然不敵 ﹗盧豬萍黎招合體大技 ，三娘教子 ﹗梁軍全體覆沒，輸甩褲喇，哈哈 ﹗連舊同事都一齊黎聚聚舊，湊湊熱鬧，真有心呢。難得今晚輝仔、萍妹、鷺妹都抽空參加活動，攀山涉水、長途拔涉，辛苦晒。熱豆腐花，加上大量薑汁同黃糖好好味喎，雖然我唔多喜歡食甜，但都覺得味道唔錯，食得過。豆味香濃，質感幼滑，熱辣辣，Good ﹗羅太豆花依度居然有自家製腐竹、腐乳賣喎，原來係自家豆品廠黎架。除左腐竹、腐乳，仲有自家製咖哩、沙嗲賣呢，我都每款買一樽返屋企試下先。各同事都唔執輸，買返幾樽放屋企先得，難得黎到河上鄉都要買少少手信啦。等左個幾鐘終於開始燒，好采我都唔係太早黎
熱豆腐花，加上大量薑汁同黃糖好好味喎，雖然我唔多喜歡食甜，但都覺得味道唔錯，食得過。豆味香濃，質感幼滑，熱辣辣，Good ﹗羅太豆花依度居然有自家製腐竹、腐乳賣喎，原來係自家豆品廠黎架。除左腐竹、腐乳，仲有自家製咖哩、沙嗲賣呢，我都每款買一樽返屋企試下先。各同事都唔執輸，買返幾樽放屋企先得，難得黎到河上鄉都要買少少手信啦。等左個幾鐘終於開始燒，好采我都唔係太早黎到，我又唔打牌、唔賭馬既，實悶鬼死。豬扒、雞中翼、廚師腸、雞扒上路先 。
我又要洗出三叉流喇 ﹗唔係因為我好肚餓，只係想慳時間、慳能源啫，要環保又要合乎經濟效益麻，我快快食飽就可以幫大家燒啦。都唔知由幾時開始燒烤一定要加蜜糖，唔理雞牛羊豬好、唔理黑椒沙嗲咖哩洋蔥好，總知通殺全部浸蜜糖啦 ﹗味道邊會夾架，勁搞笑。而且蜜糖加熱會變酸、變反式脂肪及不飽和脂肪，個個變晒肥佬肥婆啦。
廚師腸，真廚師雞肉腸啊 ﹗唔係怪味腸，有良心 ﹗燒到皮脆肉香就最美味，要內外熱辣辣，一咬噴煙就最 standard 喇。我燒烤係全走蜜糖架 ﹗黑椒雞扒，好味啊 ﹗黑椒味濃無孤寒落足料，耐心慢烤皮脆肉嫩，一扯噴汁 ﹗勁爽 ﹗有骨洋蔥豬扒，肉質富彈性又有咬口，淡淡洋蔥味道搭上濃厚豬肉香，燒到微燋就特別香口美味。蒜香雞中翼，慢工出細貨，千奇唔好貪快似實猛火區，唔係濃晒都未熟呢 ﹗慢慢燒到佢脹卜卜又飽滿。睇下佢皮光肉滑幾鬼靚，肥嘟嘟成隻啪入口，肉汁澎湃，口爆一滴不漏 ﹗雞汁完全回收到肚裡去，堅係齒夾留香。
黑椒牛扒，平價牛扒燒熟啲好，平時食開 3 成熟，依家都係食 7 成以上穩陣喇。燒到外層金黃帶脆勁香口，撕開肉質結實有嚼勁，泛著吸引的微紅色，味道濃郁入味又不乏牛肉香，滿意。牛丸、墨魚丸均大路，中規中句，有點粉口呢。魚蛋、大紅腸夠安全，無投訴。
游水花竹蝦，外購。蝦蝦蝦蝦蝦，正呀 ﹗哈哈哈。花竹一出誰與爭風 ﹗咁快就出花竹蝦喇喎，忍您好耐喇 ﹗終於到我出手，起個雙飛先 ﹗雙蝦出海 ﹗真係唔加蜜糖好食好多呢 ﹗原味非常好食 ﹗蝦肉鮮爽彈牙，濃郁海水咸香，不需任何調味料，完全純正天然，烤過既蝦殼香味已浸到蝦肉之中，無得輸 ﹗沙嗲雞腎，好爽口啊 ﹗不鞋不硬，高質。
大蜆，外購。除左大虎蝦外，大蜆都係今晚既焦點，惹黎全場食家既關注。我忍無可忍喇 ﹗唔等您個鐵絲網，用叉都燒得到啦 ﹗Sorry，自私燒。好新鮮既大蜆，仲識跳舞架，左郁郁、右郁郁。見佢笑得好開心喎，擘到個口咁大呀。碳燒正到不得了 ﹗碳燒跟海鮮簡直係絕配，咸味跟碳香味夾的痺 ﹗大蜆肉勁鮮甜又肥美，肉汁跟海水鎖住係蜆肉之中，一咬爆漿 ﹗比剛才既花竹蝦更美味 ﹗
錫紙焗芝麻蝦，外購。雖然蝦仔細細但五臟俱佺，我一向對芝麻蝦一般，但佢又真係好鮮甜既，肉質好滑添。無可否認，我只係較喜歡食中蝦、大蝦啫，人本性都係貪心的 ﹗哈哈。鍚紙鹽焗香茅烏頭，外購。估唔到會好味成依個程度，肉嫩而多汁，焗既時間剛剛好呢 ﹗骨少啖啖肉，搶呀 ﹗令我念起灣仔東寶小館既香芧烏頭啊，味道都好相似。娜姐醃製既美味烏頭，迅間消失左呀 ﹗我記得百佳都有得賣架喎，包好晒仲有埋香茅、青檸、南薑、等等。
比目魚，外購。第一次買黎燒烤，先用黑椒及海鹽醃一醃，唔知味道如何呢？魚肉太軟一定要用網燒，而且一熟就會散呢。魚脂勁誇張，成手都係油淋淋，燒既時候魚油不停滴出，火光紅紅 ﹗魚味淡質地棉滑，口感勁油，麻麻地。睇黎都好乾煎或脆炸最好味，要迫出大量魚脂先得。三文魚，外購。燒三文魚都係第一次，依舊要網燒，同上用黑椒及海鹽醃。熟既三文魚扒我真係唔多喜歡，好油啊 ﹗質地乾鞋結實魚味淡。我寧願燒鯧魚、烏頭、紅三魚、黃花魚、馬友，都好食過佢百倍。
各食家既小宇宙都燃燒得琳璃盡至，食物已掃得七七八八，所剩無幾喇 ﹗姣里亥啊 ﹗
熱豆腐花
41 views
0 likes
0 comments
比目魚，外購
13 views
0 likes
0 comments
三文魚，外購
17 views
0 likes
0 comments
大蜆，外購
9 views
0 likes
0 comments
游水花竹蝦，外購
47 views
0 likes
0 comments
沙嗲雞腎
42 views
0 likes
0 comments
大蜆，外購
28 views
0 likes
0 comments
大蜆，外購
44 views
0 likes
0 comments
錫紙焗芝麻蝦
44 views
0 likes
0 comments
鍚紙鹽焗香茅烏頭
50 views
0 likes
0 comments
鍚紙鹽焗香茅烏頭
55 views
0 likes
0 comments
Post
