皇后冰廳 (Closed)

今日同老公仔睇完戲行過見到有pizza食，見到鋪頭細細間下午茶果時又唔太多人就拉住老公去試下。一進去餐廳，服務員安排防疫措施後就帶位，招呼周到，仲細心介紹餐牌，原來小小一間餐廳，居然有pizza，生蠔，漢堡包，牛扒，焗飯，炒意粉，仲要有心太軟，芝士蛋糕，牛乳奶凍。。。。。。太多心水選擇，結果我們選了2人pizza餐，有一個9吋pizza同埋一份小食，我地選了糯米釀雞翼，2杯飲品，再加28蚊居然食到心太軟😍，食品質素味道都比預期好，pizza香脆可口，材料十足，加上香噴噴既芝士。。。正到呢～雞翼炸得金黃色，唔會好干，食落去香香辣辣，出奇好味，本來唔係好大食既老公，居然食慾大開，要食埋芝士蛋糕同心太軟先肯走，最後埋單唔洗300💰🤗滿足到呢～下次放假一定會再來。