Video
Read full review
2011-07-29
5 views
屯門分店岩岩開左冇耐之前係荃灣試過又唔係好差最好既係佢碟碟8蚊鍾意食咩都唔使好似食其他迴轉咁計住計住點知一去到...個陣係下午1點半到都要等成4個字位咁我當人地未食完lunch咁等一陣啦咁就出事啦入面既人好多都係在職人士...要係lunch hour完之前返到去所以都食得幾快我好快就由尾尾排到頭位點知因為我地3個人...入面通常都係兩個兩個所以排左好耐都未輪到有位跟住有位經理行出黎拎住個叫人排隊既牌走過黎態度好差咁叫我:排隊既退後少少唔該!!咁我後面由於仲有好多人...所以我退唔到..我就答佢:後面好多人唔郁我都郁唔到wor...佢居然答我:排唔到咪唔好排住囉!!真係有冇搞錯仲有佢既其他員工...叫佢地既我講左4次唔該先應我答既答案又9唔搭8...真係谷鬼氣!好啦輪左半個鐘...終於入到去食啦雖然佢既3文魚壽司係條迴轉帶到都算多.....但係冇咩邊幾碟係真係好新鮮差唔多碟碟都係擺到啞晒色脂肪同肉又唔均勻但係佢既玉子壽司一客有3件對於我呢d偏愛食熟野既人黎講都幾好而佢既北寄貝係超孤寒既一隻北寄貝分開兩邊當兩隻...又細隻不過以8蚊既價錢真係唔可以要求咁多仲有一樣野....就係佢既迴轉帶轉
之前係荃灣試過又唔係好差
最好既係佢碟碟8蚊
鍾意食咩都唔使好似食其他迴轉咁計住計住
點知一去到...個陣係下午1點半到
都要等成4個字位
咁我當人地未食完lunch咁等一陣啦
咁就出事啦
入面既人好多都係在職人士...要係lunch hour完之前返到去
所以都食得幾快
我好快就由尾尾排到頭位
點知因為我地3個人...入面通常都係兩個兩個
所以排左好耐都未輪到有位
跟住有位經理行出黎拎住個叫人排隊既牌走過黎
態度好差咁叫我:排隊既退後少少唔該!!
咁我後面由於仲有好多人...所以我退唔到..
我就答佢:後面好多人唔郁我都郁唔到wor...
佢居然答我:排唔到咪唔好排住囉!!
真係有冇搞錯
仲有佢既其他員工...叫佢地既我講左4次唔該先應我
答既答案又9唔搭8...真係谷鬼氣!
好啦輪左半個鐘...終於入到去食啦
雖然佢既3文魚壽司係條迴轉帶到都算多.....
但係冇咩邊幾碟係真係好新鮮
差唔多碟碟都係擺到啞晒色
脂肪同肉又唔均勻
但係佢既玉子壽司一客有3件
對於我呢d偏愛食熟野既人黎講都幾好
而佢既北寄貝係超孤寒既
一隻北寄貝分開兩邊當兩隻...又細隻
不過以8蚊既價錢真係唔可以要求咁多
仲有一樣野....就係佢既迴轉帶轉黎轉去都係得個d野...裏面既師傅做黎做去都係得幾款
所以其實都食得幾悶...而且佢只限食客食50分鐘
所以其實大部份既食飯時間都係係到等佢出新野
或者等迴轉帶d野轉過黎
真係等到人都癲.....冇咩真正食過野=_=
叫佢地既侍應叫佢幫我地落order...佢地只係會係條迴轉帶到搵
搵唔到先幫你叫...
唉,,,如果我能夠係條迴轉帶到搵到呀...就唔洗叫你落order啦/_\
到最後...我地一行3個人,,一個細路兩個大人
都只係食左百拎蚊野....仲要唔知食左咩落肚
我地決定左以後唔會再黎呢間野到食壽司...寧願比貴少少...
都唔洗又受氣又食埋d質素比其他壽司店差好多既野
Post