唐宮小聚 (新城市廣場三期)

Open Now

Now Closed

今日次又同朋友兩個黎食，但就冇叫套餐既😀見到餐牌有新品，所以都有叫黎試下🙂😋沙田乳鴿必點菜式，雖然今次就冇上次咁熱辣辣，但仍然保持到乳鴿肉嫩同埋夠味。😋泡椒妙齡鴿驚喜嘅事原來係冷盤，呢個烹調方式令到塊皮食落好Q彈，肉質都係嫩滑既🙂味道係好食嘅有麻香，不過對於食開10小辣既我黎講真係有啲辣，好彩佢啲辣散得好快，飲啖野就解到辣🤗😋陳釀醉蟹2隻我呢一向都麻麻地鍾意食大閘蟹既，但係都大膽嘗試一下，點知啲膏好甜，而且膏同肉都索哂啲酒味，呢個配搭相當好🤪👍🏻😋蠔仔海鮮粥呢個粥好足料，有蜆、蠔仔、蝦、魷魚、肉碎，粥煮得夠綿，而且有鮮味🤗😋鹽池羊腩煲羊腩煲湯底係藥膳湯，又係好足料好夠濃，但略嫌羊腩比較少只得12舊，而且大部分都好大舊肥膏。欣賞個煲有馬蹄、枝竹同埋白蘿蔔，全部都煮到入哂味😀最後欣賞餐廳經理主動同客人了解對新菜式既意見，我都坦白講啲羊腩相當肥，而且份量比較少，經理都話會向廚房反映，希望下次黎食，啲羊腩會多番啲同瘦番啲啦😂舔舔脷指數👉🏻7.5😋/10😋滿分 值得一試😋