Video
Read full review
2025-01-28
3346 views
本人和家人於今晚5點訂了5位慶祝阿嫂生日，阿嫂入座不久話想食個撻仔，但諗住甜品遲d先食，食咗主食先，未夠6點發現個撻仔無晒，我話可能遲d會補番嘅，點等到6點半都未見有，見到有個廚師出嚟凍櫃度，就即管問吓，點知佢話唔會補貨，要留番比下輪食客，我絕對冇諗過甜品都係得一轉， 仲要數量唔多 ，應該唔會夠每檯一粒。 食食吓點知枱面有隻曱甴仔爬上嚟， 我哋用杯整死咗佢， 都覺得好嘔心， 諗住算啦 。阿哥就去拎個生日碟返嚟影完相 ，影完相就食埋個心太軟， 隻碟仲響嗰張墊枱紙度，我阿嫂仲食緊個甜品嗰啲朱古力醬，佢刮緊朱古力醬落個雪糕度，想試下整朱古力脆皮， 點知突然間個著牛仔衫嘅男職員就走過嚟問係咪唔要㗎喇，我阿嫂就覺得好出奇，我仲食緊，點解會咁樣問，以為問緊我哋，但我哋又無答，等咗幾秒回神先知問緊自己，所以先答仲要㗎，點知個男職員一轉頭就同一個同事講話呢隻碟仲要㗎，唔好收，但手指就指住阿嫂個頭嘅方向，然後再向另一個同事做同一樣嘢，我個感覺好似係我哋唔啱咁，四處宣揚， 我忍唔住開聲 同男職員講，你唔使到處宣揚呀嘛， 跟住佢話唔係，我要同我啲同事有個默契呀嘛，等佢哋唔好收隻碟， 跟住我話你放心啦，一間實
本人和家人於今晚5點訂了5位慶祝阿嫂生日，阿嫂入座不久話想食個撻仔，但諗住甜品遲d先食，食咗主食先，未夠6點發現個撻仔無晒，我話可能遲d會補番嘅，點等到6點半都未見有，見到有個廚師出嚟凍櫃度，就即管問吓，點知佢話唔會補貨，要留番比下輪食客，我絕對冇諗過甜品都係得一轉， 仲要數量唔多 ，應該唔會夠每檯一粒。
食食吓點知枱面有隻曱甴仔爬上嚟， 我哋用杯整死咗佢， 都覺得好嘔心， 諗住算啦 。
阿哥就去拎個生日碟返嚟影完相 ，影完相就食埋個心太軟， 隻碟仲響嗰張墊枱紙度，我阿嫂仲食緊個甜品嗰啲朱古力醬，佢刮緊朱古力醬落個雪糕度，想試下整朱古力脆皮， 點知突然間個著牛仔衫嘅男職員就走過嚟問係咪唔要㗎喇，我阿嫂就覺得好出奇，我仲食緊，點解會咁樣問，以為問緊我哋，但我哋又無答，等咗幾秒回神先知問緊自己，所以先答仲要㗎，點知個男職員一轉頭就同一個同事講話呢隻碟仲要㗎，唔好收，但手指就指住阿嫂個頭嘅方向，然後再向另一個同事做同一樣嘢，我個感覺好似係我哋唔啱咁，四處宣揚， 我忍唔住開聲 同男職員講，你唔使到處宣揚呀嘛， 跟住佢話唔係，我要同我啲同事有個默契呀嘛，等佢哋唔好收隻碟， 跟住我話你放心啦，一間實唔要㗎喇隻碟，實畀你收，唔使咁急嘅。 跟住我諗諗下覺得佢身為一個服務從業員，你講嘢嘅語氣同態度都好似唔係好恰當囉， 所以我決定等佢走過嚟嗰陣時問佢叫咩名， 佢答完我之後 ，行開咗兩步就問我咩事，我話冇嘢問下咋， 再轉個頭佢問我係咪有咩幫到我， 我話唔係，我淨係問下你個名， 跟住佢就自己無端端喺度講話頭先嗰隻碟，佢見到冇嘢食咁咪收囉 ，跟住我家姐就話咩叫冇嘢食呀， 咁多嘢你唔收，阿哥都講呢隻唔係普通食物碟嚟㗎喎，係生日字點嚟㗎喎，食完心太軟都可以有個紀念，影多兩張相呱， 跟住佢仲拉低埋個口罩同我講嘢， 把聲好似 好不悅，話我有問你係咪唔要，咁你話要咪留低囉， 我再同其他同事交代費事佢嚟收你碟呀嘛，我話其實好多同事行過見到都唔會收啦，又唔係擺響中間，嗰隻生日碟嚟，我哋就坐收碟房出面，都無人走過嚟問， 你哋而家係咪好等碟用，跟住佢就話咁同你講對唔住囉，而家同你解釋返啫，我話咁你講完嘅話就走得。
我唔知佢哋點樣請staff，有2個鐘頭食，我又未夠鐘， 食食下中途應該6點30分左右都畀人收咗對筷子， 離開咗個座位返到嚟又冇筷子又要出去攞過， 總括嚟講成個用餐 無論食物 服務 感覺 質素 衛生都唔值呢個價錢，好似茶記咁，拿拿林收埋啲嘢趕你走咁㗎。
Post
