HIPOT (Closed)

之前見呢間野晚晚人頭湧湧, 門口排哂隊咁, 諗住應該唔錯, 所以搵晚就同d同事去試下, 一試先知唔掂, 主要有兩大致命傷:1. 食物貨不對名Menu上除左一般打邊爐野, 另有一d個名幾特別o既食物, 例如「紅酒墨丸」, 「朱古力豬肉丸」, etc... 我地叫黎試下啦, 但係無論外觀同味道, 我地都發現唔到同普通墨丸豬肉丸有乜分別, 極度失望, 有被搵笨o既感覺。2. 上菜速度奇慢當晚六點入座, 唔洗等位。一坐低就order左第一輪十幾碟野, 但係上菜係前所未有地慢, 食到七點半都未黎齊, 足足個半鐘! 叫第二三輪o既野當然都要等... 大佬, 打邊爐已經唔洗你煮定先, 點可能咁慢? 湯底我地揀左「沙爹+蕃茄豬骨」雙併, 大家一致認為兩樣都唔夠味。其他食物質素普通啦, 可以一提係肥牛好扺, $8碟有七八塊, 都OK。海蝦上到檯仲識郁, 夠新鮮。總括黎講, 唔會再黎食。