Video
Read full review
2021-10-16
1659 views
好味指數😋😋😋回頭指數 ⭐️⭐️開心指數🤗🤗呢間店，成日路過都見到大排長龍，網上食評D人都寫得幾好，就嚟試下！雖然係午餐時間，但呢度係冇午餐menu 嘅，所以午餐同晚餐嘅價錢係一樣嘅～🍴火山排骨（細$138）呢個係每個食過嘅人都推介，當然要試下啦！我哋叫咗細份嘅，嚟到見到都幾大份，有成6舊！排骨煮到骨肉分離，肉質唔錯，好淋又唔嚡口，當中嘅軟骨同根都可以食埋！個湯汁有大量嘅蔥，酸酸鹹鹹帶少少辣味，都幾惹味！真係幾值得食嘅，不過就唔係好夠熱，只係暖暖哋！🍴馬沙文咖哩豬肋骨（$168）呢個都幾大盤，有5大舊豬肋骨，個咖哩汁好正，因為有椰奶同椰糖煮嘅，成個汁好香，所以都叫咗個油酥餅同白飯撈汁食，一流！豬肋骨亦都係煮到骨肉分離，一咬就輕易食到D肉，好味！不過都係唔夠熱～🍴精選拼盤（$188）春卷有兩大條，味道好惹味，係成個拼盤最好味嘅！炸魷魚，個炸皮好厚，同埋似擺耐咗有少少硬身，唔掂！沙嗲雞串燒，雞肉有少少嚡口，似整咗響度放咗好耐嘅感覺，已經暖到D肉乾晒咁，唔掂！炸魚餅，冇炸感，肉質好鬆散，一般！大蝦米紙卷，正常發揮！成個拼盤嘅敗筆位係全部嘢唔似即整，似整好咗放響熱燈下暖住嘅狀態，到你叫嘅時候夾出嚟
回頭指數 ⭐️⭐️
開心指數🤗🤗
呢間店，成日路過都見到大排長龍，網上食評D人都寫得幾好，就嚟試下！
雖然係午餐時間，但呢度係冇午餐menu 嘅，所以午餐同晚餐嘅價錢係一樣嘅～
🍴火山排骨（細$138）
呢個係每個食過嘅人都推介，當然要試下啦！我哋叫咗細份嘅，嚟到見到都幾大份，有成6舊！排骨煮到骨肉分離，肉質唔錯，好淋又唔嚡口，當中嘅軟骨同根都可以食埋！個湯汁有大量嘅蔥，酸酸鹹鹹帶少少辣味，都幾惹味！真係幾值得食嘅，不過就唔係好夠熱，只係暖暖哋！
火山排骨
$138
25 views
1 likes
0 comments
🍴馬沙文咖哩豬肋骨（$168）
呢個都幾大盤，有5大舊豬肋骨，個咖哩汁好正，因為有椰奶同椰糖煮嘅，成個汁好香，所以都叫咗個油酥餅同白飯撈汁食，一流！豬肋骨亦都係煮到骨肉分離，一咬就輕易食到D肉，好味！不過都係唔夠熱～
馬沙文咖哩豬肋骨
$168
22 views
0 likes
0 comments
🍴精選拼盤（$188）
春卷有兩大條，味道好惹味，係成個拼盤最好味嘅！
炸魷魚，個炸皮好厚，同埋似擺耐咗有少少硬身，唔掂！
沙嗲雞串燒，雞肉有少少嚡口，似整咗響度放咗好耐嘅感覺，已經暖到D肉乾晒咁，唔掂！
炸魚餅，冇炸感，肉質好鬆散，一般！
大蝦米紙卷，正常發揮！
成個拼盤嘅敗筆位係全部嘢唔似即整，似整好咗放響熱燈下暖住嘅狀態，到你叫嘅時候夾出嚟咁，所有炸物都冇咗即炸嘅香脆口感，溫度都只係暖暖哋，好似食buffet 嗰D炸物嘅感覺，好失望！😞
精選拼盤
$188
10 views
0 likes
0 comments
🍴招牌蟹肉臘腸炒飯（$138）
蟹肉份量都幾少，個炒飯又係暖嘅，一D炒飯嘅鑊氣都冇，味道係唔錯嘅，臘腸係好食嘅，如果呢個係招牌菜呢… 都幾失望！
招牌蟹肉臘腸炒飯
$138
15 views
0 likes
0 comments
🍴油酥餅（$30）
感覺有少少過重牛油味，令到油酥餅出現過甜嘅味覺，口感唔夠酥脆！
油酥餅
$30
15 views
0 likes
0 comments
🍴茉莉香飯（$18）
呢個係成餐飯最熱嘅嘢，笑咗！
整體上係幾失望嘅，樣樣嘢都唔似即叫即整，樣樣嘢都只係暖暖哋，攪到我覺得似buffet 夾返嚟嘅嘢食咁，有少少期望太高嘅落差！再睇清楚D 食評，原來好多人都寫過佢D嘢唔夠熱嘅～ 😅
呢間餐廳唯一嘅好處係，坐得好舒服，卡位嘅間隔好夠高，響疫情期間食得好安心！
Post
