熾工房 (Closed)

🍗 Wow Fried Chicken Set ➰ $69一入舖頭聞到炸雞嘅味道已經流晒口水，隱約聽到佢呼喚緊我，就要咗呢個炸雞set。因為即叫即炸，所以要耐心等候，當見到大大件炸雞，就知等待係值得。一口咬落去，成件雞外脆內軟，炸雞皮嘅酥脆感，雞肉並冇炸到乾爭爭，反而食到佢嘅嫩滑。粗身薯條，調味好夠。從佢外面仲有層薯仔皮就睇得出，自己食緊嘅係真薯仔，而且食落都有薯仔味。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🍔 Signature Chicken Burger ➰ $78呢個充滿層次感嘅包，要逐層講下，首先個包面，好香脆；沙律醬與菜，平衡返成個包嘅油膩感；炸芝士片，呢個位有啲驚喜，平時食Burger嘅芝士都係冇特別經過處理，但係呢塊炸過嘅芝士，增加咗個Burger嘅口感；主角炸雞配特製醬，簡直係無得輸！朋友推薦咗必食嘅磨菇飯，的確冇介紹錯。忌廉汁好Creamy又濃味，磨菇大大塊，好足料。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️成間餐廳裝修好有特色，而且有個好貼心嘅位係有洗手盤，無論食嘢之前，定食完炸雞薯條之後都好需要洗手，好鍾意呢個設備。〰️ 〰️ 〰️