Video
Read full review
2021-08-05
235 views
星期日本身想排隊食人氣台灣麵店，但奈何落大雨☔️，所以被迫放棄。沿住廣華街再直行見到「Bos Vinci Restaurant & Bar 」有Brunch食，加上又唔使等位，就一於試吓。餐廳面積唔大，估計夜晚會變身成為酒吧。呢度以🎬電影《國產凌凌漆》為主題，牆壁嘅裝飾燈牌引用咗唔少經典對白，可算係香港人嘅集體回憶🇭🇰。餐廳設有Brunch Menu，定價合理，價錢介乎$88至$128不等🍽。另外，你仲可以喺度食生蠔添，不過我就唔食開，所以不感興趣。燒紐西蘭牛柳配薯菜($128)，呢碟菜式嘅份量都幾多，牛柳有兩大件，而墊底嘅薯蓉亦有一大堆。老實講我覺得牛柳本身嘅質素一般🥩，但廚師嘅技術搭夠，令到佢都係好好味道。牛柳外層燒至微香，中間肉身呈淡粉紅色，肉質唔嚡唔韌，帶有牛香。🥔薯蓉底好綿，當中仲混入咗椰菜花，而搭配嘅紅酒燒汁亦幾惹味。黑松露雜菌乾炒扁意粉($98)，🍝意粉味道唔錯，採用乾炒(撈)嘅方法取代汁煮，食落無咁滯。扁意粉煮得彈牙有嚼勁，而且油份夠，條條分明。餸料採用大量唔同種類嘅雜菌，面頭就再加多堆黑松露醬🍄，全程食都充斥着菇嘅香氣。椰菜花忌廉湯，隨午餐奉送嘅湯好有驚喜，因為夠熱同夠
星期日本身想排隊食人氣台灣麵店，但奈何落大雨☔️，所以被迫放棄。沿住廣華街再直行見到「Bos Vinci Restaurant & Bar 」有Brunch食，加上又唔使等位，就一於試吓。
餐廳面積唔大，估計夜晚會變身成為酒吧。呢度以🎬電影《國產凌凌漆》為主題，牆壁嘅裝飾燈牌引用咗唔少經典對白，可算係香港人嘅集體回憶🇭🇰。
餐廳設有Brunch Menu，定價合理，價錢介乎$88至$128不等🍽。另外，你仲可以喺度食生蠔添，不過我就唔食開，所以不感興趣。
燒紐西蘭牛柳配薯菜
$128
7 views
0 likes
0 comments
燒紐西蘭牛柳配薯菜($128)，呢碟菜式嘅份量都幾多，牛柳有兩大件，而墊底嘅薯蓉亦有一大堆。老實講我覺得牛柳本身嘅質素一般🥩，但廚師嘅技術搭夠，令到佢都係好好味道。牛柳外層燒至微香，中間肉身呈淡粉紅色，肉質唔嚡唔韌，帶有牛香。🥔薯蓉底好綿，當中仲混入咗椰菜花，而搭配嘅紅酒燒汁亦幾惹味。
黑松露雜菌乾炒扁意粉
$98
3 views
0 likes
0 comments
黑松露雜菌乾炒扁意粉($98)，🍝意粉味道唔錯，採用乾炒(撈)嘅方法取代汁煮，食落無咁滯。扁意粉煮得彈牙有嚼勁，而且油份夠，條條分明。餸料採用大量唔同種類嘅雜菌，面頭就再加多堆黑松露醬🍄，全程食都充斥着菇嘅香氣。
椰菜花忌廉湯
5 views
0 likes
0 comments
蒜蓉包，🥖塊包係全餐最普通嘅食物，蒜蓉味夠嘅，但都係避免唔到法包好硬嘅質感。
法式田螺薯蓉焗油炸鬼
$78
2 views
0 likes
0 comments
焗法式檸檬撻
$58
1 views
0 likes
0 comments
飲品方面，我哋要咗Virgin Mojito同Lemon Squash，無酒精特調Mocktail原價$58，午餐價則$38。🍸兩杯味道都幾清爽，又唔會過甜，不過Mojito嗰杯稍勝，因為多咗份薄荷香🌿。
總括嚟講，我本身對呢餐不抱太大期望，始終唔係專登嚟，又覺得佢有多重身份，如酒吧或主題店等，不過食物出品就證明咗佢哋嘅實力😋。店舖由幾個後生仔經營，樓面廚房一腳踢，出心出力，相當認真。但留意返，慢功出細貨，想食就要預多啲啲時間喇🙏🏻。
Post
