米走雞Deluxe (Moved) New Location

黎到呢好應該試下佢地個招牌雞煲，但我地得兩丁友，我又心思思想食多d花款，所以都係打個靚邊爐算了～星期日晚六點幾黎到，都有好幾枱人已經食緊雞煲。我同朋友填左10分鐘先揀好野食。。餐廳會上醬料盤，你可以慢慢自己配搭。湯底好快上，個煲size 兩人食幾好。最正係湯底好多料，豆腐粟米紅蘿蔔仲有好多芫茜！娃娃菜夠鮮甜，我地叫半份都好大份。紅薯粉記住唔好煮太耐，會淋。個粉好有咬口。冬菇靠得住，夠新鮮。之後ge五寶丸，有蝦丸墨魚丸牛丸豬肉丸同鯪魚球。最中意蝦丸，一咬d蝦味出哂黎。粒粒丸都好彈牙，唔點醬都夠味。四拼餃，水餃係我首選，大大隻入面d木耳勁爽口。仲有韮菜餃牛肉餃雲吞。最後個蜂巢豆腐，吸哂d湯，好正，但唔好煮太耐啊，始終都係豆腐。