Video
Read full review
2023-06-24
1280 views
呢晚約友人嚟和歌山 佢好搞笑咁答我 咁要買機票喎😂 其實呢間日式餐廳喺樂富 餐廳以木色系為主調 俾人好舒服嘅感覺 食物更加令我喜出嚟望外啊😺比目魚柚庵燒御膳呢個和風御膳真係好日式感覺 除咗主菜比目魚之外😺 仲有好多和風前菜 有啲仲幾開胃㗎 比目魚有兩塊 肉質結實 唔會太容易散開 食落魚油好充足 味道好香🐟白汁芝士軟殼蟹焗飯呢個焗飯真係好有氣勢 一大隻軟殼蟹斬半🦀 然後放喺焗飯面 軟殼蟹炸得好酥脆 又有肉又有蟹膏 真係好正 飯係炒飯底 加咗好多菇類一齊炒 更加有口感 連埋白汁同芝士食 感覺好幸福啊🥰自家製牡蠣餃子餃子餡料用蠔肉都係第一次食 蠔肉鮮甜 咬開仲有肉汁🥟芝士玉子燒呢個玉子燒面頭有層芝士🧀 玉子燒夠晒厚 都夠蛋香 仲有少少肉醬喺中間🍳七味炸墨魚嘴冇諗到墨魚嘴會咁大粒 咬落非常爽口 炸粉唔算好厚🦑凍和歌山水果茶王呢個水果茶喺夏天飲真係啱晒 解渴之餘仲好清新😚 味道酸酸甜甜好開胃呢間餐廳喺平日夜晚都滿座 真係好夠人氣 都幾推介大家嚟試吓呢間日式小店啊🤩
呢晚約友人嚟和歌山 佢好搞笑咁答我 咁要買機票喎😂 其實呢間日式餐廳喺樂富 餐廳以木色系為主調 俾人好舒服嘅感覺 食物更加令我喜出嚟望外啊😺
比目魚柚庵燒御膳
呢個和風御膳真係好日式感覺 除咗主菜比目魚之外😺 仲有好多和風前菜 有啲仲幾開胃㗎 比目魚有兩塊 肉質結實 唔會太容易散開 食落魚油好充足 味道好香🐟
白汁芝士軟殼蟹焗飯
呢個焗飯真係好有氣勢 一大隻軟殼蟹斬半🦀 然後放喺焗飯面 軟殼蟹炸得好酥脆 又有肉又有蟹膏 真係好正 飯係炒飯底 加咗好多菇類一齊炒 更加有口感 連埋白汁同芝士食 感覺好幸福啊🥰
自家製牡蠣餃子
餃子餡料用蠔肉都係第一次食 蠔肉鮮甜 咬開仲有肉汁🥟
芝士玉子燒
呢個玉子燒面頭有層芝士🧀 玉子燒夠晒厚 都夠蛋香 仲有少少肉醬喺中間🍳
七味炸墨魚嘴
冇諗到墨魚嘴會咁大粒 咬落非常爽口 炸粉唔算好厚🦑
凍和歌山水果茶王
呢個水果茶喺夏天飲真係啱晒 解渴之餘仲好清新😚 味道酸酸甜甜好開胃
呢間餐廳喺平日夜晚都滿座 真係好夠人氣 都幾推介大家嚟試吓呢間日式小店啊🤩
Post
