王家沙 (Closed)

今天陪媽媽食上海菜，揀左王家沙，近年來冇食過，希望都可以食返以前個感覺。可惜有d失望了。環境都系不錯的，裝修幾靚。主食點左健康紅米炒飯，味道份量都正常，不過美中不足糸飯不夠乾爽。上海話梅骨，都算夠味，酸酸甜甜，不過就是肥左d。鎮江肴肉：呢道菜真系令人大跌眼鏡，真系未食過咁難食的肴肉，晤爽滑的算了，仲食到一口渣，不是完全凍，有少少溫熱，感覺不良好。招牌蟹粉生煎包，唉...又一失敗菜式，到底怎麼了，以前的質素冇左了，生煎包的餡一團肉嘎達，感覺用料不新鮮。非常失敗！醬燒排骨年糕：呢個年糕還不錯，不過咸左少少，所以好入味，算咁了，年糕質感幾好。蒸素餃：餃子皮厚左d,餡還可以，熱騰騰新鮮現蒸，ok啦。