牛八両 (Closed)

同層另外嘅泰國餐廳同側邊嘅cafe 太多人等，見呢間專食牛嘅就被吸引入去。其實唔係第一次經過，但之前夜晚唔算特別平，人氣又唔係十分高企所以無試。但今日真係太肚餓所以見無咩人食都照試下。環境係唔錯，好寧靜，同出面同層嘅餐廳兩個世界。同老公一人一碗午餐牛飯加2串串燒，唔記得叫牛頸脊定牛肩頸飯，除左個餐湯有味算幾好之外（略咸），午餐牛飯d 牛肉係有烤味，但無乜牛味嘅，要係咁問侍應拎鹽。間野唔係難食，不過野食就真係無咩味。但如果午餐埋單兩個人3百幾蚊真係覺得唔值。可能因為入坐時人唔多，間餐廳後方近廚房無侍應嘅，全部企晒係入口位附近聚埋晒一起，要下下大聲叫唔該先會走埋黎。K11 好多餐廳，真係無需要試呢間。