Video
Read full review
2022-12-19
1195 views
今日真係好好好凍🥶我地喺差唔多大半個月前已經打左黎book枱，點知仲要撞岩今日咁凍，連個天都想我地食返啲暖笠笠既野🥰🥰Book左枱入場時候就好快，真係一分鐘都冇就入左～我地揀左食$279既龍蝦肉蟹set🦞🦀當揀好左食咩餐後，首先會上一個燉湯，飲落好滋補好養生👍🏼之後就會開始蒸海鮮了！呢度真係唔多洗自己郁手，全部都係侍應幫我地整，只要坐喺度等食就得🤤黎隻龍蝦先！龍蝦好多膏，肉質亦都好鮮嫩唔會話蒸過龍，上面啲金銀蒜好香口，岩岩好帶出左龍蝦既鮮甜🦞🦞鮑魚我就揀左果皮蒸，食落超有果皮香！順帶一提佢啲海鮮真係好新鮮，隻鮑魚未蒸前仲識扭黎扭去😮😮😮蠔係會有舊翠玉瓜托一托住佢地蠔好脆身而蠔味好甜，好食！🦪元貝肉質爽但唔會柴，不過我就唔建議用豉汁蒸，朕味有啲太搶，有少少食唔到元貝本身既味🫣🫣然後黎到開邊蝦，蝦肉爽彈唔梅👍🏼👍🏼同場加映果幾粒蕃薯仔一啲都唔失色！非常綿密😋😋魷魚腸粉都幾新奇但味道出奇地夾😮😮用左沙嗲醬令腸粉有種撈左麻醬既錯覺，腸粉本身都幾滑，魷魚撈埋啲沙嗲醬好惹味！呢個蒸豬頸肉都幾好食，係份量方面有啲少，過唔到口癮🥲🥲最後黎埋個肉蟹🦀🦀肉蟹好大隻！完全唔係水蟹啖啖肉，個鉗應該有可能大過龍
我地喺差唔多大半個月前已經打左黎book枱，點知仲要撞岩今日咁凍，連個天都想我地食返啲暖笠笠既野🥰🥰
Book左枱入場時候就好快，真係一分鐘都冇就入左～
我地揀左食$279既龍蝦肉蟹set🦞🦀
當揀好左食咩餐後，首先會上一個燉湯，飲落好滋補好養生👍🏼
之後就會開始蒸海鮮了！呢度真係唔多洗自己郁手，全部都係侍應幫我地整，只要坐喺度等食就得🤤
黎隻龍蝦先！龍蝦好多膏，肉質亦都好鮮嫩唔會話蒸過龍，上面啲金銀蒜好香口，岩岩好帶出左龍蝦既鮮甜🦞🦞
鮑魚我就揀左果皮蒸，食落超有果皮香！順帶一提佢啲海鮮真係好新鮮，隻鮑魚未蒸前仲識扭黎扭去😮😮😮
蠔係會有舊翠玉瓜托一托住佢地蠔好脆身而蠔味好甜，好食！🦪
元貝肉質爽但唔會柴，不過我就唔建議用豉汁蒸，朕味有啲太搶，有少少食唔到元貝本身既味🫣🫣
然後黎到開邊蝦，蝦肉爽彈唔梅👍🏼👍🏼同場加映果幾粒蕃薯仔一啲都唔失色！非常綿密😋😋
魷魚腸粉都幾新奇但味道出奇地夾😮😮用左沙嗲醬令腸粉有種撈左麻醬既錯覺，腸粉本身都幾滑，魷魚撈埋啲沙嗲醬好惹味！
呢個蒸豬頸肉都幾好食，係份量方面有啲少，過唔到口癮🥲🥲
最後黎埋個肉蟹🦀🦀肉蟹好大隻！完全唔係水蟹啖啖肉，個鉗應該有可能大過龍蝦果個，非常好食！順帶一提個剁椒醬幾正👍🏼👍🏼
到呢一度，蒸海鮮既部分就完左，係時候等食八寶蒸飯🍚
原本我對個飯係冇乜太大期望，點知——佢大大咁超出左我既期望！
蒸熟左之後，職員就會落豉油、花生、豬油渣同蔥花，然後喺你面前起勢撈🤤🤤🤤
一食落去，完完全全就係臘味飯既味道！蝦醬豬腩肉、豆醬豆卜同銀魚仔真係要tick！佢地係各有各特色既好食！最出色既係佢個飯底，粒粒分明唔會過腍，好有飯香又有咬口！👍🏼👍🏼👍🏼
其實個飯真係好難食得晒，最後我地都係打包走😂😂
最最最後，仲有個糖水送！係紅棗杞子桂圓燉雪梨🍐喺咁凍既天氣下飲啲咁潤既野真係好療癒🥰🥰
呢度埋單仲要唔洗加一，真係抵到爛！已經諗緊下次幾時黎好🤤🤤🤤
Post
