Pokka Cafe (Closed)

同朋友去到旺角朗豪坊行街買衫睇電影，到夜晚唔知食咩好，朋友提議到雅蘭的pokka cafe，呢間是第一次，沙田pokka cafe我地去得多，印象是幾有食物要求的一間餐廳，但呢晚我地有少少碰釘，叫了兩個餐，一個是牛扒雞扒餐，另一個是韓式石頭窩飯，先講牛扒雞扒餐，真是不太好食，由跟餐的面包唔太熱(叮都唔叮吓冇誠意)，湯唔特別好味，主菜好一般，飯又超小型(我唸少到幼稚園小朋友見到都覺得唔夠食)，跟餐的飲品我加錢換了一杯特飲柚子波蘿密，來到的時候杯內有3大片薑，我立即夾走3大片薑，因我喉嚨痛，所以唔食得薑(本來想飲杯柚子波蘿密滋潤吓，點知，真是唔知是唔我時運差)，總之就超一般。 另外那個韓式石頭窩飯都是好一般貨色，飯好濕，唔夠熱，完全冇嘢講，另外朋友叫了咖啡，佢話好味(全晚唯一可取的)。pokka cafe努力啦，唔可以再是咁，否則下次一定比差你。