牛陣HANARE Platinum Label

Open Now

Now Closed

今日同表妹慶祝生日，帶佢食和牛開心下勁黐線， $500唔使，有和牛壽喜燒放題。唔單止有和牛、仲有刺身、天婦羅，係全部都會先嚟一次，之後鍾意邊樣就再追加邊一樣！三小碟勁好食蟹膏豆腐、龍蝦仔沙律、海蜇今日刺身有蝦、帶子同埋魚。天婦羅有蝦、魚、南瓜、菇。主角出場，一嚟有四片和牛啲雪花靚到呢有職員先幫我哋燒，用一舊牛脂肪起鑊。之後放一塊和牛、再淋上壽喜燒汁。記得要打隻蛋落個碗度，就算我唔鍾意食蛋，但沾左蛋嘅牛更加嫩滑，非沾不可除左和牛、仲有豬同雞，但係一開始食牛，就唔記得咗影豬同雞。阿波尾雞唔知係咪雞髀部份，非常之嫩。最後梗係唔少得甜品，有四款。但係非常之飽，試唔晒，叫咗雪糕同卷蛋。