亞參雞飯 (利舞臺廣場)

Open Now

Now Closed

返完一個星期工，同老婆響銅鑼灣行下街食個飯。見好耐冇食過新加坡菜，而呢間亞參又有唔少人排緊，咁就同老婆坐低食啦。起初嘅期望都好高......我哋兩個都叫咗碗喇沙。上菜除低口罩準備起筷啦，發現枱上面冇晒筷子，就問侍應拎啦。等左一陣，終於refill左筒筷子。老婆拎起對筷子準備食嘢之際，見佢突然皺眉頭然後聞一聞對筷子。「臭嘅？！你聞下。」我拎起手聞，真係好臭。係嗰種千年冇換毛巾嘅噏臭味。拎起多幾隻嚟聞，都係同一氣味。唯有同侍應反映啲筷子好臭叫佢換過成筒筷子。點知換完之後都係一樣咁臭，只好再舉手要杯熱水黎自己洗。而之後出場嘅所有餐具，包括熱飲嘅匙羹，都一樣有呢啲噏臭味，要自己清洗。睇住其他顧客一上菜就拎起餐具食嘢，真心覺得有啲反胃。講返食物(喇沙)方面，都幾失望。分量係多，但味道麻麻，太多herbs，麵好碎，配料好少。$80一碗黎講，味道完全輸畀$20-25一包既百勝廚喇沙拉麵。總括嚟講，衛生情況極度需要改善。食物有進步空間。而我，冇乜嘢我都係唔會再返嚟食。