Video
Read full review
2004-09-13
555 views
今晚一行八人來開飯，以為可品嚐美味嘅北京烤鴨，點知...北京烤鴨等咗差多一個鐘才送到，又再等約十分鐘個待應片皮才有得食。以為鴨是剛剛烤好應該好香好脆啦，點知好失望。Ｄ鴨一Ｄ味都冇，而Ｄ皮就淋啤啤，一Ｄ都唔脆。好唔掂。宮爆明蝦球嘅蝦球幾大粒同幾爽囗，但係個汁就唔得，好稀而且唔好味。早知叫咸蛋王明蝦球，可能會好Ｄ。砂碢雲吞雞嘅雲吞餡實guk guk，好似唔係幾新鮮咁。火腿津白好似好油膩咁。京葱爆牛肉係唔熱嘅，唔知係咪匯豐咭優惠菜式所以質素差Ｄ呢？賽螃蟹唔知點解冇咗隻蛋王係上面呢？高力豆沙冇錯上桌時係好新鮮熱辣，但食落去唔得鬆軟，好多麵粉好實。仿僐嘅高力豆沙好味好多喇！唔怪得知環顧四周仲有咁多吉位啦！埋單時待應送了兩張$50現金卷，知道自己唔會再嚟，所以送咗比隔鄰枱嘅外籍家庭，等佢哋即晚平番一百蚊。外籍媽媽頻聲答謝，益到人家攪到自己都好開心呀！
北京烤鴨等咗差多一個鐘才送到，又再等約十分鐘個待應片皮才有得食。以為鴨是剛剛烤好應該好香好脆啦，點知好失望。Ｄ鴨一Ｄ味都冇，而Ｄ皮就淋啤啤，一Ｄ都唔脆。好唔掂。
宮爆明蝦球嘅蝦球幾大粒同幾爽囗，但係個汁就唔得，好稀而且唔好味。早知叫咸蛋王明蝦球，可能會好Ｄ。
砂碢雲吞雞嘅雲吞餡實guk guk，好似唔係幾新鮮咁。
火腿津白好似好油膩咁。
京葱爆牛肉係唔熱嘅，唔知係咪匯豐咭優惠菜式所以質素差Ｄ呢？
賽螃蟹唔知點解冇咗隻蛋王係上面呢？
高力豆沙冇錯上桌時係好新鮮熱辣，但食落去唔得鬆軟，好多麵粉好實。仿僐嘅高力豆沙好味好多喇！
唔怪得知環顧四周仲有咁多吉位啦！
埋單時待應送了兩張$50現金卷，知道自己唔會再嚟，所以送咗比隔鄰枱嘅外籍家庭，等佢哋即晚平番一百蚊。外籍媽媽頻聲答謝，益到人家攪到自己都好開心呀！
Post