阿久根和牛立燒店 (Closed)

今日食咗個極上和牛定食，分量唔多，完全唔夠飽，牛肉雪花量都算夠，但食落冇乜牛味。另外兩位朋友試咗二人餐，人生嘅牛比起一人餐大塊，但係都一樣冇乜牛味，牛脷燒出嚟仲要成塊迫力皮咁樣，口感好韌，好難咬。仲試咗佢嘅A5和牛刺身壽司，牛肉雪花咁就十足，但係完全冇牛味，同喺日本食嘅和牛壽司差好遠，非常非常失望。舖頭嘅座位只有八個，但成餐飯我哋都包左場，星期六午市都冇人食，入面嘅裝飾明顯地鋪咗一層油，唔算好乾淨。初初燒嘅時候職員冇打開抽氣機😒成個舖頭燒到白濛濛咁。只收現金，唔係幾方便。整體來講一定唔會再試。