勝利小廚 (Closed)

今天又去何文田上堂，终於吃了勝利小厨的海南雞飯，店内客人唔少，但幸運地今天能避開人潮早到一步，一到不用等剛巧有座位，當然是要搭枱，這兒人多座位廹，客人大都是滚水淥腳食完即走，環境真是麻麻地。不用說我叫了這裹的招牌海南雞飯，其他客人大都也是來食海南雞飯，下單後不一會伙記便送上例湯跟海南雞飯，例湯一入口便知就算有味精都不會多，例湯内完全没有湯渣食，味道一般啦。 伴隨海南雞飯送上一碟醬油，只有普通豉油及酸醋汁，以海南雞飯作招牌菜，竟然没有正宗海南雞飯必定有的黑豉油及薑葱，滑滑的雞肉都巳去了骨放在帶椰香味的黄色鶏油飯上，味道幾好不過雞肉鲜味不是非常濃，正如前文所敍，以四十蚊一碟的價錢，伴碟菜也没有一條，份量真是少了一點，而且坐位又擠迫不太舒適，感覺唔係咁抵食。試過之後我實在唔明點解勝利小廚有咁多劣評！ 以它的海南雞飯唔應該有咁多劣評！結論: 路過可以一吃，專誠去食便不必了!