Be Leaf (Closed)

呢個食評hold左好耐先打，嗰日係214情人節見佢內部裝修唔錯，諗住啲嘢可能真係都好好食，Menu形容食物都幾好，成個set Menu兩個人加埋幾乎過千蚊。雖然入到去，裝修十分之靚，但係服務員態度十分之惡劣，尤其是個經理，成餐需要10%服務費，但係成餐我feel唔到有任何service，啲人起咗餐就走咗連杯水都冇上俾我哋，要舉手先俾到，如果每位人頭$500嘅餐廳，都做唔到casual Dining嘅話，根本就係一間差既餐廳。關於嗰晚嘅所有食物，我可以好負責任咁講，冇一樣嘢係好食嘅，杯水最好飲。佢哋Menu形容什麼自家製同埋其他形形色色嘅形容詞，都係掩蓋唔到佢哋啲嘢難食，廚房根本冇認真整過啲食物俾人食。$500嘅話，我寧願食10轉車仔麵。呢間嘢啲嘢食擺盤係靚，但完全冇用份量又少嘢又唔好食，撞正情人節我同女朋友食到都嘈撚晒。我唔明點解佢喺OpenRice有咁多正評，影張靚相就話好好食。之後到咗情人節聖誕節等等，就整嘢食整勁難食。Btw，舖頭出面有露天位置，十分之不建議坐喺嗰度，因為出邊係巴士站，咁你就可以食住塵食嘢。希望大家唔好俾啲正評蒙蔽雙眼，我祈求呢個食評可以少啲人踩呢個大雷。