武士拉麵 (Closed)

今晚同老友去尖沙咀行開街！所以專程再次拜訪武士 Sam，依間小店真喺越嚟越出名！晚上八點時間依然成班人喺到排隊！排咗大約十分鐘左右，終於可以坐低飲啖茶！綠茶任飲喺依嘅到常識，依然欣賞味道非常濃厚！見又有新出品，所以今次叫咗依個《九州地獄拉麵》！一樣都喺硬麵，濃湯！依碗拉麵雖然見佢紅當當，但真係唔夠辣！對於個人嚟講，根本都唔辣添！但當飲第二啖湯時，竟然飲到第二種鮮味！吓，鮮味？無錯，真喺鮮味！好好奇問吓武士 Sam，究竟今次依個新出品有咩特別呢？武士 Sam 依然都喺含糊不清咁，但終於都走漏口風話，今次依個《九州地獄拉麵》加入咗九洲風味特制嘅辣椒油，加上花生、黑椒、山葵同魚介！咁魚介喺咩料呢？我問返 Google 神，魚介即喺魚類同有介甲的水生動物！依啲咁專業嘅學問，我真係識條鋼咩？雖然唔知喺咩嚟，但只知湯底味道效果幾有層次咁！如果只得全辣味的話，其實同食碗雲南米線冇分別！叉燒、麵底同流心蛋欣賞之處真喺唔多講，因為之前都講過好幾次點好食！總體嚟講，依個《九州地獄拉麵》辣得嚟有層次，就喺依碗拉麵精要所在！下次有時間，真喺要再嚟試吓！110蚊，試過就知道抵唔抵食！